web counter
LEXO PA REKLAMA!

SHKARKO APP

App Store
Google Play

E fundit!

x

U zhvati lekë shqiptarëve/ Eksperti i kriptovalutave: Skemat piramidale online përbëjnë rrezik prej parasë digjitale

2 Shtator 2025, 21:10, Aktualitet CNA

U zhvati lekë shqiptarëve/ Eksperti i kriptovalutave: Skemat

Një skemë piramidale online, përmes platformës TXEX, dyshohet se i ka zhvatur shqiptarëve miliona lekë.

Në një emision në A2CNN, eksperti i kriptovalutave, Emir Allen tha tha se rreziku vjen për shkak se në këtë rast bëhet fjalë për para digjitale, që nuk mund të kontrollohen nga asnjë lloj banke.

Allen ngriti shqetësimin se bëhet fjalë për një skemë të avancuar dhe se fatkeqësisht Shqipëria nuk ka resurset e duhura për ta përballuar.

“Kriptovalutat janë ndryshe nga puna që po bëhet në terren nga kriminelë të caktuar në Shqipëri për momentin. Kriptovalutat janë para digjitale, që nuk është e kontrolluar nga asnjë lloj banke. Dhe përdoret ashtu siç përdoret cash-i, për të bërë një pagesë të caktuar. Fatkeqësisht nuk kam shpresa të larta që do të ndalohet ky fenomen. Zgjidhja nuk është gjurmimi i këtyre individëve apo platformave. Sepse këta njerëz të nderuar që kanë pasur Shqipërinë në duar 35 vitet e fundit ende nuk kanë gjetur 1.5 miliardë dollarë që ikën në 97’ në firmat piramidale. Skema është shumë më e avancuar dhe Shqipëria nuk është e aftë dhe nuk i ka resurset dhe njohuritë për ta përballuar këtë lloj fenomeni”,-tha Allen./CNA





Lajmet e fundit nga