Turinjtë e thyer të Erion Veliajt

13 Tetor 2023, 12:49, Aktualitet CNA

Fotomontazh - Djemtë e Kombëtares duke festuar me presidentin e FSHF-së, Armand Duka dhe kryebashkiaku i Tiranës, Erion Veliaj

Dje Kombëtarja shqiptare rezultoi fituese, jo thjesht dhe vetëm me rezultatin 3 me 0, por me një ndeshje spektakolare.

Shqipëria është e para në Grupin E, kryeson me 13 pikë dhe tashmë e presin dy ndeshje me Moldavinë dhe Ishujt Faroe, thjeshtë dhe vetëm një barazim i jep autostradën drejt Berlinit dhe do të ishte një fat i madh që Shqipëria ndoshta do të ishte ekipi kundërshtar me Gjermaninë në "Euro 2024".

Një fitore që gëzoi të gjithë kombin, por një fitore që la një kokëvarur, një turi të thyer dhe këta janë turinjtë e Erion Veliajt, kryebashkiakut të Tiranës.

Këtë nuk e thotë as Elisa Spiropali, këtë nuk e thotë as Carlo Bollino, këtë nuk e thonë as mediat që u vërsulën nga Erion Veliaj, që u vërsulën nga Erion Veliaj për të sulmuar Presidentin e Federatës Shqiptare të Futbollit, Armand Dukën, njeriut që ka ndërtuar këtë Kombëtare me vizionin e tij, njeriut që solli Silvinjon në Shqipëri, njeriut që për herë të dytë po dërgon në një finale të një Europiani Shqipërinë tonë të vogël me futboll kaq të madh.

Kush qëndron pas sulmit ndaj FSHF dhe Armand Dukës
24 Janar, 15:25

Me vizion dhe karakter të fortë, Armand Duka qëndroi përballë hienave politike të dirigjuara nga kryebashkiaku i Tiranës që dje ka thyer turinjtë për herë të dytë.

Ndoshta është tifoz i vetëm i Ishujve Faroe, së bashku me Elisën. Erion Veliaj dje humbi, por dje fitoi kombi shqiptar.

Erion Veliaj dje u fsheh, nuk dukej as në katin ku qëndronte kryeministri ynë me shokun Bajram si President apo në krah të Armand Dukës, nuk u duk lali Eri as në katin ku qëndronte Belinda Balluku me Albin Kurtin dhe djalin e Adem Jasharit.

Erion Veliaj dhe Elisa Spiropali

Nuk u duk lali Eri, as me Elisën, mamicën e inceneratorëve që së bashku me kryebashkiakun e Tiranës ndoshta kanë qenë më të vrerosurit, pasi Armand Duka theu turinjtë e Erion Veliajt dhe një bande mediatike të korruptuar, të paguar nga interesa okulte, të paguar nga njerëz të inkriminuar dhe grupe kriminale inceneratorësh.

Armand Duka dhe Kombëtarja dje i dhanë një përgjigje lali Erit dhe treguan se kryebashkiakut të Tiranës mund t’i thyesh turinjtë jo vetëm nga Edi Rama, por nga kushdo që i qëndron përballë Veliajt të Sharrës që na premtoi një Tiranë të pastër, por që e mbuloi me plehra dhe i përdor plehrat si biznes për të luftuar kundër Kombëtares shqiptare, por që kjo e fundit e bëri të dështojë, duke i dhënë fitore kombit shqiptar dhe humbje Erion Veliajt./ CNA