web counter
LEXO PA REKLAMA!

SHKARKO APP

App Store
Google Play

Tregtonin fishekzjarrë dhe kapsolla/ Procedohen penalisht tre persona në Peshkopi

31 Dhjetor 2025, 08:53, Kronika CNA

Tregtonin fishekzjarrë dhe kapsolla/ Procedohen penalisht tre persona

Tre persona janë proceduar penalisht në Peshkopi pasi tregtonin në kundërshtim me ligjin lëndë piroteknike.

Nga kontrollet në dyqane u gjetën kuti me sasi fishekzjarrësh dhe kapsollash, të cilat u sekuestruan nga shërbimet e Komisariatit të Policisë Dibër.

Kontrollet për ndalimin e tregtimit të kundërligjshëm dhe të rrezikshëm të lëndëve piroteknike nga subjekte të paautorizuara vijojnë.

Njoftimi i policisë:

Dibër/Vijon plani i posaçëm operacional për ndalimin e tregtimit të kundërligjshëm dhe të rrezikshëm të lëndëve piroteknike nga subjekte të paautorizuara.

Konstatohen 3 dyqane në qytetin e Peshkopisë, ku mbaheshin sasi fishekzjarresh dhe kapsollash, në kundërshtim me rregullat dhe kriteret e përcaktuara.

Procedohen penalisht 3 shtetas dhe sekuestrohen kuti me lëndë piroteknike.

Në vijim të zbatimit të planit të masave, të hartuar në prag të festave të fundvitit, me objektiv parandalimin dhe goditjen e rasteve të posedimit të lëndëve piroteknike me qëllim shitjen e kundërligjshme të tyre, shërbimet e Komisariatit të Policisë Dibër, evidentuan 3 dyqane që ushtronin këtë veprimtari të paligjshme.

Për këto raste, u referuan materialet në Prokurori, ku filloi procedimi penal për shtetasit O.D., A.K. dhe D.M., pasi në dyqanet e tyre u gjetën kuti me lëndë piroteknike, të cilat mbaheshin me qëllim shitjen e tyre, në kundërshtim me rregullat dhe kriteret e përcaktuara.

Kontrollet vijojnë.

Materialet procedurale iu referuan Prokurorisë së Dibrës për veprime të mëtejshme.

Policia e Dibrës apelon për të gjithë qytetarët që të mos përdorin dhe të mos tregtojnë lëndë piroteknike në kundërshtim me rregullat dhe kriteret e përcaktuara, pasi kjo veprimtari, që përbën rrezik për jetën dhe shëndetin e tyre, ndëshkohet konform ligjit. /CNA





Lajmet e fundit nga