web counter
LEXO PA REKLAMA!

SHKARKO APP

App Store
Google Play

E fundit!

x

Sekuestrohen 982 fishekzjarre dhe 250 kuti me kapsolla në Sarandë/ Dy të proceduar

28 Dhjetor 2025, 12:43, Kronika CNA

Sekuestrohen 982 fishekzjarre dhe 250 kuti me kapsolla në Sarandë/ Dy

Policia e Sarandës ka sekuestruar 982 fishekzjarre dhe 250 kuti me kapsolla në zbatim të masave për parandalimin dhe goditjen e tregtimit të kundërligjshëm të lëndëve piroteknike.

Policia ka bërë me dije se janë proceduar penalisht edhe dy pronarët e dyqaneve ku u sekuestruan fishekzjarret. Të proceduarit janë shtetasit L. M., 26 vjeç dhe M. H., 55 vjeç, banues në Sarandë.

Njoftimi i policisë:

Sarandë/Vijojnë kontrollet në kuadër të planit të masave për ndalimin e tregtimit të kundërligjshëm të lëndëve piroteknike.

Sekuestrohen 982 fishekzjarre dhe 250 kuti me kapsolla.

Procedohen penalisht dy pronarët e subjekteve tregtare.

Në vijim të zbatimit të planit të masave për parandalimin dhe goditjen e tregtimit të kundërligjshëm të lëndëve piroteknike, në prag të festave të fundvitit, shërbimet e Komisariatit të Policisë Sarandë kanë vijuar kontrollet në subjekte tregtare.

Si rezultat i këtyre kontrolleve, gjatë kontrollit të ushtruar në dy subjekte tregtare në qytetin e Sarandës, u konstatuan 982 fishekzjarre dhe 250 kuti me kapsolla, të cilat mbaheshin për tregtim në kundërshtim me ligjin.

Lëndët piroteknike u sekuestruan në cilësinë e provës materiale, ndërsa materialet procedurale u referuan në Prokurori dhe nisi procedimi penal në ngarkim të shtetasve L. M., 26 vjeç dhe M. H., 55 vjeç, banues në Sarandë.

Materialet procedurale iu referuan Prokurorisë për veprime të mëtejshme. /CNA





Lajmet e fundit nga