web counter
LEXO PA REKLAMA!

SHKARKO APP

App Store
Google Play

E fundit!

x

"Të llastoj me 7000 dollarë"/ Skandal në mesazhet e "gocave të Instagramit", burrat nuk përmbajnë veten

21 Shtator 2022, 11:13, Aktualitet CNA

"Të llastoj me 7000 dollarë"/ Skandal në mesazhet e

Një ndër fenomenet më të shpeshta që po hasim sot në internet është pasigura, kjo për shkak edhe se njerëzit janë shumë të ekspozuar ndaj një publiku të gjerë, të njohur e të panjohur, dashamirës dhe dashakeqës.

Po ashtu përdorimi në masë i rrjeteve sociale, u ka dhënë mundësinë shumë njerëzve të shprehen, të fitojnë popullaritet e madje ka edhe njerëz të cilët i kanë “punë” rrjetet sociale. Vajzat janë ato që më së shumti fitojnë popullaritet, përmes postimeve të tyre në rrjetet sociale, pasi e shfrytëzojnë këtë platformë për të rritur ndjekësit e për pasojë të fitojnë reklama, apo përmes famës të gjejnë edhe punë në fusha e profesione të ndryshme.

Por bashkë me të mirat apo të ardhurat që mund të sjellin rrjetet sociale, së fundmi po ndeshet një fenomen që ka filluar të përhapet shumë. Burra me adresa false, ose dhe reale kanë nisur t’u shkruajnë vajzave mesazhe në "Instagram" (më së shumti), ku ofrojnë para në këmbim “të shoqërisë” së tyre.

Ata kërkojnë që t’i blejnë vajzat, duke zhvilluar kështu një formë të re të “prostituimit online”. Shumë të mëdha parash që ofrohen, të cilat mbase janë edhe mashtrime, janë mjaft shqetësuese, pasi nuk është aspak normale që dikush të vijë në kutinë tuaj të mesazheve online, njëlloj sikur të jetë në recepsionin e një shtëpie publike dhe të ofrojë para në këmbim të një “shërbimi”.

I gjithë problemi qëndron te vajzat adoleshente, të cilat janë përdoruese të rrjeteve sociale, por nuk kanë atë përvojën aq të madhe jetësore, për të dalluar një mesazh dashakeq, pasi mund të tundohen nga dëshira për të pasur më shumë para ndër duar.

Nuk dihet ende nëse kjo është një skemë mashtrimi, dhe mbase kërkojnë numrin e llogarisë për ta hakëruar më pas, por sidoqoftë kjo çështje është problematike dhe i duhet kushtuar vëmendje.

Mesazhet në përgjithësi u shkojnë vajzave me shumë ndjekës në "Instagram" dhe që kanë profile publike, ku kushdo mund të ketë akses për të parë fotot e tyre. 

"Përshëndetje bukuroshe, të nevojitet një 'babush' që të kujdeset për ju dhe shpenzimet tuaja dhe gjithashtu t'ju llastojë ju me 7000 dollarë që të shkosh për të blerë, dhe të paguajë shpenzimet tuaja pa ndonjë aktivitet seksual?"- është një nga mesazhet. 

"Të llastoj me 7000 dollarë"/ Skandal në mesazhet e

"E bukur. Më fal nëse kjo të ofendon ty, a jeni e interesuar për një pagë javore prej 600 dollarësh, që të jesh vogëlushja ime online, pa intimitet sekual, por thjesht për shoqërinë tuaj?"

 

"Të llastoj me 7000 dollarë"/ Skandal në mesazhet e

Këto janë mesazhet që ju vijnë vajzave shqiptare, në dukje nuk kërkohet asnjë favor seksual "fizik", por a nënkupton kjo që në këmbim duhet të dërgosh ndonjë foto, apo duhet të bësh ndonjë bisedë të padëshiruar, pasi ngjan shumë e vështirë që dikush t'iu dërgojë para pa dashur asgjë në këmbim. Askush nuk paguan për të pasur një shoqe!/Xheni Lekaj CNA.al

 





Lajmet e fundit nga