web counter
LEXO PA REKLAMA!

SHKARKO APP

App Store
Google Play

E fundit!

x

Rama ftoi pleqtë gjermanë t'u shkurtohet jeta në Shqipëri!

21 Shtator 2022, 09:12, Aktualitet CNA
Rama ftoi pleqtë gjermanë t'u shkurtohet jeta në
Edi Rama

Kryeministri Rama në një intervistë për “Der Spiegel”, u ka bërë thirrje pensionistëve gjermanë të kalonin pleqërinë e tyre buzë detit në Shqipëri, teksa fliste për eksodin e ikjes së shqiptarëve.

Kjo deklaratë e kryeministrit është komentuar dhe nga ish-kreu i Alenacës Kuq e Zi, Kreshnik Spahiu.

Me ironi ai shkruan se Rama i ftoi pleqtë gjermanë t'u shkurtohet jeta në Shqipëri, ndërsa rendit edhe të gjithë faktorët që sipas tij, e japin më së miri këtë efekt.

Rama ftoi dje pensionistët Gjermanë të jetojnë në Shqipëri.

- të shkojnë në spitalet tona gjallë dhe dalin vdekur,

- të blejnë vilë dhe t'u ndërtohet një gradaçel në oborr,

- të nisen me i hyp trenit të mallrave në Kashar,

- të hypin në makinë dhe të përplasen me të çmendurit,

- të dalin në ballkon dhe digjen plehrat e lagjes,

- të hyjnë në dush dhe ngelin me shkumë se s’ka ujë,

- të shkojnë në dyqan dhe blejnë ushqime të skaduara,

- të ngelin brenda në ashensor se s’paguajnë komshinjtë,

- të shkojnë të pinë kafe dhe të hanë plumba rikoshet,

- të shkojnë me ble speca dhe t’ja rrisin çmimin 10-fish sapo t'i shohin se janë të huaj,

- të hapin dritaren dhe t’ju futet një pëllëmbë pluhur,

- të blejnë tokë dhe t'i dalin 10 pronarë që zihen,

- të blejnë apartament, por pa letra dhe pa hipotek,

- të hapin televizorin dhe t’ju dalë Edi Rama,

- të hapin frigoriferin dhe t’ju dalë Sali Berisha,

- të hapin lavatriçen dhe t’ju dalë Ilir Metaj,

E kush është ai gjerman që vjen t'i shkurtohet jeta?!





Lajmet e fundit nga