web counter
LEXO PA REKLAMA!

SHKARKO APP

App Store
Google Play

Luftar Hysa zbulon arsyen/ Pse u takova me kryeministrin Rama

20 Shtator 2022, 23:01, Aktualitet CNA
Luftar Hysa zbulon arsyen/ Pse u takova me kryeministrin Rama
Biznesmeni shqiptar, Luftar Hysa

Biznesmeni shqiptar, Luftar Hysa, i cili është akuzuar si partner i kartelit Sinaloa, ka zbuluar mbrëmjen e sotme arsyen e takimit me kryeministrin Edi Rama.

Hysa tha në emisionin “Opinion” se shkak u bë një mik i tij nga Skocia që jeton në londër dhe që donte të bënte një libër për Shqipërinë.

Ai u shpreh se e vetmja gjë që mund të bënte për të ishte ta takonte me kreun e qeverisë shqiptare, të cilin zbuloi se e takoi nëpërmjet një deputeti të Bundestagut.

Pjesë nga intervista:

Hysa: Unë kam një mikun tim që është nga Skocia dhe jeton në Londër. Maksi është fotograf dhe shkruan libra. Dhe ky njeri donte të bënte një libër për Shqipërinë. Në telefonin tim i kam të gjitha bisedat me Maksin. Duke parë që Rama është edhe artist dhe i pëlqen kjo lloj fushe, mendova që e vetmja gjë që mund të bëja është t’i propozoj këtë projekt.

Fevziu: Si e takuat Ramën?

Hysa: Ramën e gjeta nëpërmjet një mikut tim gjerman, që është mik i mirë i Shqipërisë.

Fevziu: Është deputet i Bundestagut?

Hysa: Patjetër dhe jam krenar që e kam mik, sepse është një dashamirës i madh i Shqipërisë.

Fevziu: Për të takuar kryeministrin shqiptar përdorët një deputet gjerman?

Hysa: Ndodhi që në atë kohë që ishte Covid-19 ndodhesha në Shqipëri./ B.A. - CNA.al





Lajmet e fundit nga