Biznesmeni shqiptar: Si shkova nga Afrika në Meksikë dhe hapa lojëra fati

20 Shtator 2022, 22:34, Aktualitet CNA

Biznesmeni shqiptar: Si shkova nga Afrika në Meksikë dhe hapa

Foto ilustruese

Biznesmeni shqiptar, L. H., ka rrëfyer mbrëmjen e sotme largimin nga Shqipëria për në Afrikën e Jugut dhe zhvendosjen më pas në Meksikë.

Ai tha se nga vendi ynë është larguar në vitin 1998 dhe në afrikë ka jetuar për rreth 2 vite e 11 muaj.

Biznesmeni deklaroi në emisionin “Opinion” se në Meksikë iku për të hapur lojërat e fatit, pasi ishte një vend që e lejonte këtë biznes.

Shqiptari bëri të ditur se që prej vitit 2016 është qytetar meksikan dhe gjithashtu është rezident kanadez.

Pjesë nga intervista:

Biznesmeni: Unë jetën time e kam filluar në vitin 1990 kur kam mbaruar inxhinierinë. Jam larguar nga Shqipëria në vitin 1998.

4 vëllezërit meksikanë janë nga “Sinaloa” e Belshit/ Në Vlorë biznes me Murataj e Besnik Lulaj
17 Shtator, 10:03

Fevziu: Ku keni punuar nga viti 1990 deri në 1998?

Biznesmeni: Kam punuar drejtor Mekanik në TEC-in e Cërrikut dhe drejtor i drejtorisë së ujërave. Kam bërë jetë politike dhe kam qenë kryetar i PD-së së Belshit në vitin 1991, kur është themeluar seksioni i PD-së në Belsh.

Fevziu: Si u larguat?

Biznesmeni: Jam larguar në vitin 1998 me ngjarjet e vitit 1997 dhe një nga problemet madhore ka qenë masakra e famshme e Cërrikut. Vetëm familja ime e di që unë kam pasur probleme dhe jam larguar drejt Afrikës së Jugut ku jetonin vëllezërit e mi.

Fevziu: Në çfarë periudhe kanë jetuar?

Biznesmeni: Vëllai im jetonte që në vitin 1993 në Afrikën e Jugut. Dhe jemi takuar me ju në vitin 1999 sepse ju bëtë emisionin për Leka Zogun dhe njëkohësisht na takuat ne si komunitet shqiptarësh. Ishim shumë pak, një komunitet prej 20 vetësh.

Fevziu: Sa keni jetuar në Afrikë?

Biznesmeni: Kam jetuar 2 vjet e 11 muaj ditë më ditë.

Fevziu: Nga Afrika e Jugut ku kaluat?

Biznesmeni: Nga Afrika e Jugut bashkë me dy partnerët e mi kam ikur në Peru, sepse donim të hapnim lojërat e fatit.

Fevziu: Kishit biznes lojërash fati në Afrikën e Jugut?

Biznesmeni: Kishim biznes të lojërave të fatit. Perunë e gjetëm si vendin ku lejoheshin lojërat e fatit dhe atje kam qëndruar nga viti 2001 deri në vitin 2004.

Një miku im që punonte na shiste makinat e lojërave të fatit na tha që tregu po hapet në Mesikë. Dhe në atë kohë shkuam në Mesikë dhe filluam të operonim në Mesikë. Unë kam shkuar në mars të vitit 2004 në Mesikë.

Fevziu: Këto 14 vjet operoni në Mesikë?

Biznesmeni: Operoj në Meksikë dhe jam qytetar meksikan nga viti 2016.

Fevziu: Familja juaj jeton në Meksikë?

Biznesmeni: Familja ime jeton në Kanada.

Fevziu: Jeni dhe shtetas kanadez?

Biznesmeni: Unë jam rezident kanadez, sepse nuk mund të mbaj më shumë se dy pasaporta.

Fevziu: Në çfarë zone të Meksikës jeni vendosur?

Biznesmeni: Unë jetoj në Kankun në këtë moment. Bizneset e mia në Meksikë janë gjithandej. Partneri im i vetëm është vëllai im.

Fevziu: Sa biznese keni në Meksikë?

Biznesmeni: Janë mbi 10 biznese, lojëra të fatit, restorante, bare./ B.A. - CNA.al