web counter
LEXO PA REKLAMA!

SHKARKO APP

App Store
Google Play

E fundit!

x

Urdhri i Prokurorisë për mediat/ Gazetari: Qesharak, kësaj i thonë sikur ke vënë syze dhe je lakuriq

20 Shtator 2022, 21:55, Aktualitet CNA
Urdhri i Prokurorisë për mediat/ Gazetari: Qesharak, kësaj i
Gazetari Denis Dyrnjaja

Gazetari Denis Dyrnjaja e ka quajtur qesharak vendimin e Prokurorisë për ndalimin e publikimit të materialeve të hakerave në media.

I ftuar në "Open", gazetari tha se media është hallka më e pafaj në këtë mes, ndërsa shton se Prokuroria duhet të dalë me një qëndrim.

“Prokuroria është në një rol qesharak në këtë rast, një akt dhe vendim urdhëror për mediat. Media është institucion më vete dhe prokuroria më vete, në mes kemi sigurinë kombëtare. Nëse kryeministri thotë se s’ka asgjë të cënuar, por duhet të pranojmë ose që është problem madhor, ose gjithsekush të bëjë rolin e tij, pra nëse s’ka problem secili vlerëson rastin e vet. Është e padrejtë kjo gjë, nuk mundet prokuroria ta bëjë këtë.

Kemi një problem të madh, kemi hakerimin, qeverinë, prokurorinë, median dhe publikun, ajo që është më pafaj në këtë histori është media. Kësaj i thonë sikur ke vënë syze dhe je lakuriq, po maskohesh me syze…

E ftoj prokurorinë ta rishikojë vendimin, sepse mbivendosja është edhe më qesharake. Prokuroria duhet të dalë në një qëndrim, a ka apo jo përgjegjës për këtë, ka ndonjë institucion apo ndonjë njeri? Pastaj të vijmë prapë te mediat.

Po kryeministri është përgjegjës? Ndëkrohë Parlamenti duhet të ishte mbledhur urgjent”, tha Dyrnjaja./ CNA.al





Lajmet e fundit nga