web counter
LEXO PA REKLAMA!

SHKARKO APP

App Store
Google Play

E fundit!

x

Fasha 800 KW mund të ndryshojë/ Ergys Verdho qetëson qytetarët

21 Shtator 2022, 11:43, Aktualitet CNA

Fasha 800 KW mund të ndryshojë/ Ergys Verdho qetëson

Kreu i KESH, Ergys Verdho, ka deklaruar sot se vendosja e fashës së energjisë prej 800 KW mund të ndryshojë.

Sipas tij, kjo fashë u vendos me qëllim kursimin e energjisë dhe kjo mund të ndryshojë në varësi të ecurisë.

"Kjo nismë u mor për një arsye, fushata e kursimit. Skenari më i keq u shmang. Ekspertët kanë marrë për bazë elektroshtëpiaket në shtëpi, lavatriçja një herë në dy ditë, etj., dhe kanë bërë llogaritë që ka arritur në kufirin 500 KW, një familje e mesme harxhon kaq. Familjet që harxhojnë pa kriter dhe nuk kursejnë shkojnë mbi 800 KW. Ne flasim për një 14% që duhet të nisin kursimin. Mos ta marrin me stres. Të zbatojnë këshillat që ne japim. Kondicionerin ta mbajnë 19 gradë kur jashtë është -5 gradë, hiq karrikuesin nga priza etj. Të gjitha këto ia vlejnë.

Absolutisht po që do ketë ndryshime në kufi, por për mirë, ne presim për mirë. Do shohim si është këtë vit mesatarja e harxhimit duke e krahasuar me vitin e kaluar. Mund edhe të hiqet. Në një moment të caktuar kur efekti i kursimit hyn në ndërgjegjen e njeriut ai nis dhe zbatohet. Nëse do ndjekim këshillat e KESH-it për konsum, ulet konsumi dhe ne arrijmë të përballojmë nevojat me rezervat që kemi”, ka thënë Verdho në emisionin “Breaking” në "Top News".

Sipas të njëjtit, nëse abuzimet vazhdojnë, edhe ata që e shpërdorojnë do të ketë këshillime dhe masa për ta ulur konsumin, ndërsa për ata që e vjedhin do ketë sanksione.

Më tej, ai ka qetësuar qytetarët dhe bizneset, ndërsa ka thënë se nuk do të ketë ndërprerje të energjisë.

“Nuk do kemi ndërprerje për shkak të rezervave që kemi, sepse mjetet për prodhimin e energjisë do vihen në punë, por na duhet ta ruajmë energjinë, të kursejë dhe do ia dalim me forcën tonë", është shprehur Verdho./CNA.al





Lajmet e fundit nga