web counter
LEXO PA REKLAMA!

SHKARKO APP

App Store
Google Play

Strazimiri, pesimist/ “Mos prisni asgjë nga SPAK”

24 Tetor 2023, 18:02, Aktualitet CNA
Strazimiri, pesimist/ “Mos prisni asgjë nga SPAK”
Anëtari i Kryesisë së PD-së, Gent Strazimiri

Anëtari i Kryesisë së PD-së, Gent Strazimiri ka folur në lidhje me akuzat ndaj ish kryeministrit Sali Berisha ndërsa ka sulmuar dhe Prokurorinë e Posaçme.

Gjatë një prononcimi të tij në media, Strazimiri është shprehur se SPAK dirigjohet nga qeveria dhe verpon aty ku i thotë kryeministri Edi Rama, i cili sipas tij i ka duart e pista nga korrupsioni.

Strazimiri shprehet pesimist duke thënë se nuk duhet të presim asgjë nga SPAK.

“SPAK është ngërthyer në këtë situatë, SPAK vepron aty ku i thotë qeveria me dorën e saj të zgjatur, ku i thotë Edi Rama me duart e tij të pista në korrupsion. Mos prisni gjë nga SPAK. Me këtë që ka ndodhur shtohet edhe më shumë nevoja që të rikonceptojmë edhe njëherë, të mendojmë, e duam me të vërtetë lirinë që kërkojmë apo jo.

Duam vërtetë të jetojmë në një sistem demokratike, ku pushtetet të jenë të ndara, ku kryeministri të ketë frikë nga drejtësia dhe jo ta drejtojë drejtësinë. Ku nuk duhet të kesh frikë të denoncosh korrupsionin qeveritar sepse nëse e denoncon lartësohesh në shoqëri, nuk të akuzojnë thjeshtë si i korruptuar thjeshtë për të të bërë pis.

Këta janë çështje që nuk i takojnë vetëm PD, por i takojnë gjithë shoqërisë. Kur them shoqërisë, e kam kryesisht për atë pjesën cerebrale të shoqërisë, e cila e bën shoqërinë si një trup i vetëm të reagojë.

Unë personalisht, me shumë miq dhe kolegë të drejtuar nga Sali Berisha, nuk kemi ndërmend të lëvizim, do të qëndrojmë këtu dhe përballë deri në fund. Ata që kanë vendosur dhe do të qëndrojnë këtu me ne, prap janë mjaft. Të tjerë do të na bashkohen sepse është e pamundur që të gjithë të dorëzohen. E keqja nuk mund të mbretërojë pafundësisht”, u shpreh Gent Strazimiri./ CNA





Lajmet e fundit nga