web counter
LEXO PA REKLAMA!

SHKARKO APP

App Store
Google Play

Statusi i prokurorit të SPAK-ut pas mbarimit të mandatit/ Dumani rendit shqetësimet para deputetëve

15 Korrik 2024, 12:41, Aktualitet CNA
Statusi i prokurorit të SPAK-ut pas mbarimit të mandatit/ Dumani
Altin Dumani, kreu i SPAK

Kreu i SPAK-ut, Altin Dumani, gjatë raportimit në Kuvend për punën e strukturës që ai drejton renditi disa nga problematikat e SPAK-ut dhe BKH-së. 

Ai theksoi në fjalën e tij se aktualisht ka një mungesë në përcaktimin ligjor të statusit të prokurorit të SPAK-ut pas përfundimit të mandatit. 

Dumani ngriti si shqetësim edhe mungesën e referimeve apo denoncimeve në SPAK nga institucionet publike. Më tej ai tha se është shumë i nevojshëm shtimi i hetuesve të BKH-së. 

"Mungesa e përcaktimit ligjor të statusit të prokurorit pas përfundimit të mandatit, kemi mungesë të këshilltarëve ligjorë. Adresimi i ngarkesës së shtuar sipas pikës 8 neni 178/ b të Kushtetutës ndaj drejtuesit të SPAK-ut mbi çështjet e papërfunduara të vlerësimit të magjistratëve pas marrjes së kompetencave të komisionerëve publikë. Mungesë e referimeve nga insitucionet publike, janë të pakta denoncimet. I nevojshëm shtimi i hetuesve të BKH-së. Mungesa e kompetencave për shqyrtimin e kërkesave nga institucionet e huaja. Mungesa e kompetencave vendore e gjykatave të posaçme për shqyrtimin e kërkesave në fazë hetimi për subjektet e posaçme”, u shpreh ai./CNA 





Lajmet e fundit nga