web counter
LEXO PA REKLAMA!

SHKARKO APP

App Store
Google Play

Betimi si eurodeputet/ Beleri: Jam i lumtur, për pjesën tjetër do të flasim në Athinë

15 Korrik 2024, 09:12, Aktualitet CNA
Betimi si eurodeputet/ Beleri: Jam i lumtur, për pjesën tjetër do
Fredi Beleri

Mëngjesin e sotëm, Fredi Beleri la burgun e Fierit, pasi mori 5 ditë leje për t’u betuar si eurodeputet nga partia "Demokracia e Re" e kryeministrit grek Mitsotakis.

Mësohet se liria e tij do të zgjasë vetëm 5 ditë, leje kjo e miratuar nga Drejtoria e Përgjithshme e Burgjeve.

Gjatë ambienteve të burgut ai u prit nga nga bashkëshortja dhe makina e ambasadës greke.

Ndërkohë, në një prononcim të shkurtër për mediat Beleri tha se sot ndihet i lumtur. 

“Dua t’ju falënderoj për mbështetjen gjatë gjithë këtyre muajve, jam i emocionuar, i lumtur, për pjesën tjetër do të flasim në Athinë. Faleminderit për gjithçka”, u shpreh ai. 

Beleri po udhëton drejt Athinës i pashoqëruar nga efektivë. Më pas, nga Athina do të niset për në Strasburg, ku më 16 korrik bëhet edhe betimi si eurodeputet në Parlamentin Evropian.

Gjykata kundër Korrupsionit dhe Krimit të Organizuar vendosi pak muaj më parë të dënojë me dy vjet burg Belerin, i akuzuar për korrupsion aktiv në zgjedhjet e 14 majit të 2023-shit.

Pak ditë më parë KQZ gjatë një mbledhjeje shpalli të pavlefshëm mandatin e tij./CNA 

 





Lajmet e fundit nga