web counter
LEXO PA REKLAMA!

SHKARKO APP

App Store
Google Play

Beleri do të takohet me Mitsotakis, mesazhi nga Athina

15 Korrik 2024, 12:00, Aktualitet CNA

Beleri do të takohet me Mitsotakis, mesazhi nga Athina

Pas mbërritjes në Athinë Fredi Beleri do të takohet me Kyriakos Mitsotakis pak para nisjes për në Strasburg ku do të bëjë betimin si eurodeputet. 

“Jam i lumtur dhe i emocionuar që përqafoj njerëzit e mi. Jam krenar që marr të drejtat si eurodeputet. Falënderoj kryeministrin grek për besimin dhe zgjedhjen e tij. Ai dëshmoi se është lider i gjithë helenizmit dhe mbron grekët kudo që janë”, tha zoti Beleri. 

Më pas ai ka falënderuar njerëzit që e kanë mbështetur.

“Aventurës sime po i vjen fundi. Lufta për demokraci, shtet ligjor dhe liri vazhdon.  Unë nuk e mbështes se jam i pafajshëm, këtë po e thonë tani edhe shqiptarët”, u shpreh ai. 

Ai u dërgoi një mesazh himarjotëve ku u tha se “nuk janë vetëm”, ndërsa argumentoi se "Bashkimi Evropian nuk duhet të lejojë që vullneti i njerëzve kudo që janë brenda Evropës të mos respektohet”.

Mëngjesin e sotëm, Fredi Beleri la burgun e Fierit, pasi mori 5 ditë leje për t’u betuar si eurodeputet nga partia "Demokracia e Re" e kryeministrit grek Mitsotakis.

Mësohet se liria e tij do të zgjasë vetëm 5 ditë, leje kjo e miratuar nga Drejtoria e Përgjithshme e Burgjeve.

Jashtë ambienteve të burgut ai u prit nga bashkëshortja dhe makina e ambasadës greke./CNA 





Lajmet e fundit nga