web counter
LEXO PA REKLAMA!

SHKARKO APP

App Store
Google Play

E fundit!

x

Beleri nga Rinasi: Do ta ankimoj dënimin nga Apeli i Posaçëm, himarjotët do japin përgjigje më 4 gusht

15 Korrik 2024, 09:44, Aktualitet CNA
Beleri nga Rinasi: Do ta ankimoj dënimin nga Apeli i Posaçëm,
Fredi Beleri

Në një deklaratë të dhënë për mediat nga aeroporti i Rinasit, Fredi Beleri u shpreh i prerë se do të ankimojë vendimin e Gjykatës së Posaçme për dënimin me burg. 

Ndërkohë, sa u takon zgjedhjeve në Himarë, Beleri tha se himarjotët do t'ia japin përgjigjen qeverisë më 4 gusht. 

"Po iki drejt Athinës. Nesër do të jem në Strasburg. Dua të falënderoj Drejtorinë e Burgjeve për këtë vendim, ishte një vendim në zbatim të ligjeve. Nesër atje ka vendime dhe votime të rëndësishme. Besoj që sot e tutje do t’i kthehem normalitetit. Herët a vonë, dëshira e sovranit respektohet. Në 4 gusht himarjotët do të japin një përgjigje dhe dëshira e tyre do të respektohet te rezultati i zgjedhjeve. Do ta ankimoj në të gjitha hallkat e drejtësisë shqiptare, dhe po nuk gjeta të drejtën do të shkoj edhe në Strasburg", tha Beleri. 

Fredi Beleri ka lënë mëngjesin e sotëm burgun e Fierit, pasi mori 5 ditë leje për t’u betuar si eurodeputet nga partia "Demokracia e Re" e kryeministrit grek Mitsotakis.

Mësohet se liria e tij do të zgjasë vetëm 5 ditë, leje kjo e miratuar nga Drejtoria e Përgjithshme e Burgjeve. Jashtë ambienteve të burgut ai u prit nga nga bashkëshortja dhe makina e ambasadës greke.

Ai po niset drejt Athinës dhe më pas do të udhëtojë drejt Strasburgut për t'u betuar si eurodeputet në Parlamentin Europian./CNA 

 





Lajmet e fundit nga