E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

SPAK në terren, zbaton rezolutën e Klotilda Bushkës

14 Prill 2025, 08:54, Aktualitet CNA

SPAK

Fushata zgjedhore ka 3 ditë që ka nisur zyrtarisht.

Sipas kërkesave të parashikuara nga Rezoluta e hartuar nga Klotilda Bushka dhe e miratuar nga Kuvendi, SPAK ka zbritur në terren.

Manuali i Monitorimit të Institucioneve kërkon që çdo institucion me rastin e marrjes së rezolutës me rekomandimet për vitin pasardhës të miratojë planin e punës dhe strategjitë përkatëse për zbatimin e rekomandimeve.

Kështu ka ndodhur!

SPAK siç është miratuar në tekstin e strategjisë së punës së Prokurorisë së Posaçme për krimet zgjedhore me rastin e zgjedhjeve të datës 11 maj, ka hapur brenda 3 ditëve 16 zyrat në të gjitha qarqet e vendit.

Sipas urdhrit të drejtuesit Altin Dumani, prokurorët, së bashku me hetuesit, që prej së premtes kanë marrë kontakte me prokuroritë e rretheve të cilat u kanë vënë në dispozicion edhe zyrat në të cilat do të qëndrojnë prokurorët e SPAK-ut për të koordinuar hetimet.

Zonja Bushka të njëjtin rekomandim e kishte shkruar edhe te rezoluta për Vlerësimin e Veprimtarisë së KQZ-së duke i kërkuar bashkëpunimin me SPAK-un në kuadër të goditjes së krimeve zgjedhore.

Në plotësim të rekomandimeve të Kuvendit që miraton draft-rezolutat e shkruara nga zonja Bushka, SPAK dhe KQZ nënshkruan marrëveshje bashkëpunimi mes tyre.

Marrëveshja e lidhur mes Prokurorisë së Përgjithshme dhe KQZ-së ka në thelb parandalimin e krimeve zgjedhore, siç i është kërkuar nga rezoluta.

Sipas marrëveshjes, prokurorët e posaçëm që do të shoqërohen edhe nga agjentët, do të analizojnë kallëzimet e referuara.

Paralelisht për t'iu përgjigjur sa me mirë rezolutës së Kuvendit, SPAK që prej muajit mars ka ngritur edhe një platformë në të cilën referohen shqetësimet në kohë reale.

Mësohet se janë duke u verifikuar edhe referimet e pasqyruara në platformën e SPAK-ut ku adresohen denoncime nga qytetarët, megjithëse në të shumtën e rasteve është i vështirë identifikimi për shkak të anonimatit.

"Task-Forca” e ngritur do të vijojë funksionimin për 3 muaj, deri në fund të majit.

Task-forca e SPAK-ut përbëhet nga një strukturë qendrore dhe nga grupe hetimore të shpërndara në terren gjatë periudhës zgjedhore. Në të bëjnë pjesë prokurorë, hetues të BKH-së, hetues financiarë, staf administrativ mbështetës, të angazhuar në të 12 qarqet dhe 61 bashkitë. Në Qarkun Tiranë struktura qendrore do të drejtohet nga Kryeprokurori i SPAK-ut, Altin Dumani.

Sipas Rezolutës së Kuvendit, fokusi kryesor i grupeve hetimore do të jetë parandalimi dhe hetimi i përdorimit të administratës publike, infrastrukturës shtetërore dhe përfshirja e grupeve kriminale në proces zgjedhor.

Marrëveshja e bashkëpunimit në KQZ ka parashikuar edhe vënien në dispozicion të Task-Forcës së një grupi të posaçëm me ekspertë financiarë dhe ekspertë të tjerë të fushës.

Task-Forca ka si funksion edhe monitorimin e përdorimit të buxhetit dhe investimeve publike, që sipas Kodit Zgjedhor nuk lejohen të kryhen gjatë periudhës zgjedhore.

SPAK është përgjegjës sipas ligjit për vepra penale si, korrupsioni aktiv dhe pasiv në zgjedhje, grupet kriminale në zgjedhje dhe çdo krim zgjedhor i kryer nga zyrtarët e lartë.

Klotilda Bushka me rastin e analizës së veprimtarisë së SPAK-ut ka bërë vërtetë një punë cilësore dhe ka hartuar një rezolutë që nuk ka të sharë.

Për këtë duhet përgëzuar edhe nga shokët e partisë./ CNA