web counter
LEXO PA REKLAMA!

SHKARKO APP

App Store
Google Play

E fundit!

x

“Furtuna” në komisariatin numër 2/ Glidona Daci, “shuplakë” ministrit dhe Policisë së Shtetit

11 Prill 2025, 12:40, Aktualitet CNA

“Furtuna” në komisariatin numër 2/ Glidona Daci,

Pas arrestimit të ish-specialit të RENEA-s, Altin Morina, ndaj të cilit rëndojnë dyshime për trafik droge dhe pjesëmarrje në grup kriminal, kanë ndodhur zhvillime furtunë në Komisariatin nr. 2 në Tiranë.

Sipas raportimeve, shefi i krimeve në këtë komisariat është larguar nga detyra dhe është transferuar në një pozicion tjetër.

Gazetarja Glidona Daci ka kërkuar publikisht një sqarim nga ministri i Brendshëm për këtë situatë.

Gazetarja deklaron se policia vepron me egërsi vetëm ndaj popullit të thjeshtë, ndërsa ndaj ish-kolegëve të tyre, që dyshohen për përfshirje në krim të organizuar, nuk duhen prekur pa marrë miratim nga lart.

Ajo thekson se policia nuk po vepron në bazë të ligjit, por në bazë të lidhjeve klienteliste.

“E keni parë ministrin e Brendshëm Ervin Hoxha? A ka ai informacion për atë çfarë ndodhi në Komisariatin numër 2 në Tiranë? A është kjo fryma e re që sollën në polici?

A do dal Ministri të jap sqarime në lidhje me këtë situatë, se Policia e Shtetit nuk po e vë ujin në zjarr. Ministri Hoxha e trumbetoi me të madhe frymën e re në radhët e uniformave blu, por mesa duket kjo është më e keqe se ajo që lam pas.

Ervin Hoxha dil publikisht dhe pranoje që dështove me atë palo garë për të zgjedhur drejtuesit e policisë, ose trego me prova dhe fakte, se çfarë fshihet pas atyre trasferimeve dhe kërkesave për dorëheqje.

A është ky shembulli i duhur që duhet t'i jepni efektivëve të rinj?

Policia vepron me egërsi vetëm ndaj popullit të thjeshtë, ndërsa ndaj ish-kolegëve të tyre, që dyshohen për përfshirje në krim të organizuar, nuk duhen prekur pa marrë miratim nga lart.

Pse duhet që të besojmë tek policia, kur ata nuk veprojnë në bazë të ligjit, por në bazë të lidhjeve ‘klienteliste’”, shkruan Glidona Daci./ CNA





Lajmet e fundit nga