Sonila Muhametaj, prokurorja që mbyll kallëzimet për gjobaxhinjtë kërkon SPAK-un

18 Tetor 2023, 14:17, Aktualitet CNA

Sonila Muhametaj, prokurorja që mbyll kallëzimet për

Foto ilustruese

Një prokurore, e cila u largua nga SPAK-u pasi nuk pranoi të hetonte Shullazin tashmë ka shfaqur kandidaturën për në SPAK.

Pas njoftimit mediatik nga KLP, në lidhje me personat e përfshinë në garë, sot portali i administruar nga shpifësit, fyerësit dhe të akuzuarit si gjobaxhinj nën hetim nga prokuroria dhe SPAK, "çuditërisht" kanë publikuar një shkrim në mbështetje të Sonila Muhametajt.

Është e lehtë për të kuptuar se çfarë ka qenë ky shkrim në një portal anonim vulgar, i cili ka rreth 150 kallëzime në gjykata dhe prokurori nga biznese dhe individë të ndryshëm, që ka marrë përsipër të bëjë kamikazin e aferës së inceneratorëve, të ortakëve të tyre dhe të shërbejnë si pjesë të grupeve kriminale kjo e vërtetuar me audio-regjistrime, të cilat po hetohen nga prokurori Ndini Tavani.

Por paralel me atë hetim, në prokurori dhe në polici ka dhjetëra kallëzime ndaj këtij portali anonim dhe gazetarëve të tij të cilët në fakt janë kamikazë mediatikë dhe militantë partie që në vend të mendjes në shumicën e rasteve ju flet zorra e trashë.

Sonila Muhametaj, kandidatja e inceneratorëve dhe ortakëve të tyre për SPAK
18 Tetor, 11:44

Individë të cilët kanë gjetur zgjidhje tek shantazhet, kërcënimet dhe gjobat duke shpifur kërcënuar e kanosur apo përndjekur me dhjetëra biznesmenë, zyrtarë, qytetarë e të tjerë.

Ka shumë kallëzime në gjykata, shumë kallëzime në prokurori, por dosjet mbyllen.

Sot çuditërisht pamë një lajmë te ky portal i cili u fshihet kallëzimeve, padive dhe përballjeve përpara institucioneve ligjzbatuese shqiptare dhe duke braktisur drejtësinë shkon në sulme dhe akuza dhe çuditërisht kishte një lajm të bukur.

Një lajm të mirë për një prokurore të suksesshme e cila kishte bërë namin, e fortë, e palëkundur, dhe pikërisht në një media që po hetohet nga kolegët e Sonilës dhe është duke u gjykuar për disa çështje penale në prokurori dhe gjithashtu ka dhe materiale të tjera në dosjet e SPAK-ut.

Por ajo që bënte përshtypje ishte çfarë kishte ndodhur që një media që e ka gjuhën të lidhur fort me krimin dhe korrupsionin dhe bën aktivitete në mbrojtje të tyre, duke kërcënuar dhe shantazhuar personazhe publikë e privatë, të lëvdonte një prokurore, t’i jepte merita asaj ku nga ana tjetër kishte sulmuar me dhjetëra prokurorë dhe gjyqtarë.

Shikoni këtë vendim më poshtë.

Është një kallëzim i një biznesmeni ndaj këtij portali dhe administratorit Erzen Lita.

Sonila Muhametaj, prokurorja që mbyll kallëzimet për

Prokurorja ka pushuar çështjen ndaj tyre. Sot mbështetet publikisht, SPAK është përballë faktit të kryer. Një biznes dhe një biznesmen kanë kërkuar hetime, ndërkohë prokurorja i pushon dhe merr mbështetje publike pikërisht nga personat e akuzuar.

Një biznesmen i ka kallëzuar në prokurori si shumë të tjerë raste që janë në prokurorinë e Tiranës dhe dosjet mbyllen duke i dhënë hapësirë të shkojnë më tej dhe të trimërohen kamikazë të tillë mediatikë të cilët vazhdojnë një aktivitet kriminal që nuk ka të bëjë vetëm me përndjekje, kërcënime, shpifje apo fyerje, por lidhjet me grupet kriminale siç është tek audioja që po heton prokurori Ndini Tavani.

Ndini Tavani, prokuror

Sonila Muhametaj është prokurorja që u ka dhënë zë dhe forcë të pavërtetës, shpifjes, u ka dhënë hapësirë kërcënimeve, shantazheve, i ka dhënë hapësirë asaj që thotë Indro Montaneli që "të çmendurin e dinte vetëm shtëpia, tani e di gjithë bota".

Ndoshta ka dashur të kuptojë këtë, sa të çmendur janë ata që Sonila Muhametaj nuk i heton, ndoshta e ka bërë në avujt e ndonjë gote apo qoke, u mbyll dosjet dhe u kërkon mbështetjen si prokurore për në SPAK. Faktet flasin vetë. Vendimi dhe shkrimi.

Rrugë të mbarë Sonila Muhametaj, por nuk ka KLP që voton një prokurore që braktisi Shullazin dhe mbron shantazhuesit, kërcënuesit dhe gjobaxhinjtë e medias./ CNA