E fundit!

21:25 Aktualitet

"Përgjegjësit u dënuan"/ Blendi Klosi: Rrethimi në Zvërnec është hequr

Sekretari i Përgjithshëm i PS-së, Blendi Klosi, ka bërë me...

Sondazhi në CNA/ Qeveria ka dështuar me investimet për inceneratorët

28 Gusht 2023, 12:31, Aktualitet CNA

Sondazhi në CNA/ Qeveria ka dështuar me investimet për

Prej ditësh, CNA ka krijuar një sondazh ku pyet shqiptarët "A dështoi qeveria me investimet për inceneratorët?"

Sipas rezultateve të deritanishme, shumica e votuesve, rreth 84% e tyre, mendojnë se qeveria ka dështuar me investimet për inceneratorët.

Rreth 10% e tyre mendojnë se nuk ka dështuar dhe vetëm një përqindje e vogël, rreth 6%, nuk kanë ndonjë ide.

Sondazhi në CNA/ Qeveria ka dështuar me investimet për

Ndërkohë sondazhi vijon të jetë i hapur dhe qytetarët mund të vazhdojnë të japin ende mendimin e tyre.

Poll

Në një dalje publike, kryeministri Edi Rama foli për këtë aferë korruptive, ku tentoi t'u hidhte hi syve të shqiptarëve duke thënë se inceneratorët punojnë.

Por e vërteta është se ashtu siç është paraqitur me dokumente dhe shkrime të njëpasnjëshme nga CNA, me prova që tregojnë se inceneratori i Tiranës nuk ekziston dhe qytetarët kanë paguar një tarifë prej 29 euro/ ton për trajtimin e mbetjeve.

Ndërsa për inceneratorin e Fierit kryeministri u shpreh se funksionon, “por ka nevojë për një pagesë të fundit sepse u ndërpre nga sekuestrimi dhe do ta marrë Bashkia e Fierit që do të paguajë dhe atë pjesë të fundit dhe të futet në funksion”.

Po ashtu për të Elbasanit, ku sipas denoncimeve ky incenerator është thjesht një kaldajë dhe dhe duhet një kosto e çmendur prej 2 milionë eurosh për ta vënë në punë.

Theksojmë se në të gjithë skemën e inceneratorëve, fillon në Elbasan, shkon në Fier dhe pastaj përfundon në Tiranë, ku zullumi është shumë herë më i madh se tek inceneratorët e Fierit dhe të Elbasanit, qëndrojnë tri personazhe, Klodian Zoto, "truri" i inceneratorëve Mirel Mërtiri dhe bashkëjetuesja e tij Stela Gugallja.

Kujtojmë se në fillim të këtij muaji, SPAK sekuestroi inceneratorin e Tiranës, dhe pasuritë e Zotos dhe Mërtirit.

Gjithashtu nga hetimet e SPAK-ut u zbardhën veprimet korruptive dhe fatura fiktive që kapnin vlerë rreth 5 miliardë lekë.

Kujtojmë se për këtë aferë ndodhen pas hekurave, ish-ministri i Mjedisit, Lefter Koka, një sekretar i Përgjithshëm në Ministrinë e Mjedisit, Alqi Bllako, dhe shumë zyrtarë të tjerë./ CNA