web counter
LEXO PA REKLAMA!

SHKARKO APP

App Store
Google Play

E fundit!

x

Socialistët e dredhin sërish, nuk pranojnë debat për inceneratorët/ “Tani i përket drejtësisë”

18 Korrik 2023, 11:47, Aktualitet CNA

Socialistët e dredhin sërish, nuk pranojnë debat për

Deputeti i PS-së, Toni Gogu, ka reaguar pas rrëzimit të kërkesës së opozitës për mocion me debat në lidhje me inceneratorët.

Sipas socialistëve, kjo tashmë është një çështje që i përket drejtësisë dhe se Kuvendi ka kryer detyrën e saj në lidhje me këtë çështje me anë të komisionit hetimor.

Gogu u shpreh për mediat se inceneratorët nuk janë më një çështje urgjente dhe se Kuvendi e ka kryer detyrën në lidhje me inceneratorët pasi i hapi dyert Komisionit Hetimor ku u morën në pyetje ministrat dhe vetë kryeministri.

“Në sesionin e ditës së enjte do të vendosë Kuvendi nëse ato çështje do të përfshihen në rendin e ditës apo jo. Ne dhamë mendimin tonë.

Është momenti i drejtësisë të flasë për këtë çështje. Ne e hapëm derën me komisionin hetimor.

Për kuvendin urgjente janë çështjet e studentëve, mjekësia, për këtë arsye vendosëm që kuvendi të vendosë ditën e enjte nëse do ta shtojë në rendin e ditës.

Urgjencën e çmuam atëherë kur ishte urgjente. Sot ajo nuk është një çështje urgjente që duhet të zhvillohet në seancën pasaardhëse”, është shprehur Gogu./ CNA





Lajmet e fundit nga