web counter
LEXO PA REKLAMA!

SHKARKO APP

App Store
Google Play

Skandali në "Magjistraturën" e Arben Rakipit

18 Qershor 2025, 13:00, Aktualitet CNA

Skandali në "Magjistraturën" e Arben Rakipit

Në raportin e Komisionit Europian për Shqipërinë, ku flitet për sundimin e ligjit dhe sistemin e drejtësisë, një draft i firmosur më 9 qershor të këtij viti, një nga pikat më të goditura është Shkolla e Magjistraturës që drejtohet nga Arben Rakipi.

Në draft raport theksohet fakti që magjistratët që kanë dhënë dorëheqjen gjatë vettingut dhe që u ndalohet të ushtrojnë funksione të larta gjyqësore, janë të lirë të marrin poste të stafit trajnues në Shkollën e Magjistraturës.

Sipas draft raportit të KE-së, kjo vazhdon të përbëjë një mangësi të madhe.

Skenari është i thjeshtë.

Zyra e bashkëshortes së Arben Rakipit bën dhe mbrojtjen e kryebashkiakut të arrestuar me 12 akuza për 4 vepra të rënda penale, Erion Veliajt.

Sipas raportit të KE-së, në Shkollën e Magjistraturës pedagogë janë njerëzit e nxjerrë jashtë nga sistemi i drejtësisë, të cilët i merr Arben Rakipi dhe i përdor si avokatë ata që dalin nga sistemi i drejtësisë dhe mbrojnë dhe Erion Veliajn.

Nuk ka asgjë të keqe të bëjë avokatinë çdo jurist i lirë, por jo të shkojnë dhe të japin leksione në Magjistraturë ata që janë shkarkuar nga vettingu dhe janë nxjerrë jashtë sistemit si hajdut.

Dhe, këta t’i strehojë Arben Rakipi dhe më pas institucionin që ka, ta përdorë për interesat e tij me studion ligjore të bashkëshortes.

“Fakti që magjistratët që kanë dhënë dorëheqjen gjatë vettingut dhe që u ndalohet të ushtrojnë funksione të larta gjyqësore, janë të lirë të marrin poste të stafit trajnues në Shkollën e Magjistraturës, vazhdon të përbëjë një mangësi të madhe. Provimi pranues vazhdon të ketë mangësi në aspektin cilësor dhe nuk është rishikuar ndjeshëm”, thuhet në draft raportin e Komisionit Europian./ CNA

Skandali në "Magjistraturën" e Arben Rakipit

 





Lajmet e fundit nga