E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Skandali me vendimin e Sadushit/ Këlliçi: Komunisti i fundit në sistemin e drejtësisë, lidhje politike me Erion Veliajn

10 Mars 2026, 11:07, Aktualitet CNA

Skandali me vendimin e Sadushit/ Këlliçi: Komunisti i fundit në

Deputeti i PD-së, Belind Këlliçi, ka reaguar pas turpit të Gjykatës së Lartë, e cila ka nxjerrë një vendim të ndërmjetëm për nisjen e procedurës për ndryshimin e pjesshëm të praktikës së njësuar të Kolegjeve të Bashkuara të Gjykatës së Lartë të vitit 2011 mbi masat e sigurimit personal, që, sipas tij, ngre dyshime mbi qëllimet reale.

Sipas Këlliçit, po tentohet të hapet një debat për dobësimin e njërit prej instrumenteve më të rëndësishme kundër abuzimit me pushtetin dhe prishjes së provave.

Duke iu referuar vendimit të marrë nga Sadushi, Këlliçi thekson edhe lidhjet e afërta të këtij të fundit me Erion Veliajn duke e konsideruar gjerësisht si një ndër komunistët e fundit në sistemin e drejtësisë.

“Nisma më e fundit e kryetarit të Gjykatës së Lartë, Sokol Sadushi, për të ndryshuar praktikën mbi masat e sigurimit personal duke zbutur standardet e paraburgimit, ngre dyshime të qarta për momentin dhe qëllimin real të saj!

Në vend që drejtësia të forcojë luftën kundër korrupsionit, që është gangrena më e madhe e vendit tonë, aktualisht po tentohet të hapet një debat për dobësimin e njërit prej instrumenteve më të rëndësishme kundër abuzimit me pushtetin dhe prishjes së provave.

Akoma më problematik është fakti se kjo nismë vjen pikërisht nga një figurë për të cilën prej kohësh në opinionin publik flitet për një afërsi politike me Erion Veliajn dhe personi në fjalë konsiderohet gjerësisht si një ndër komunistët e fundit në sistemin e drejtësisë.

Kur drejtësia dhe politika shfaqen kaq pranë njëra-tjetrës, çdo vendim i tillë vetëm sa forcon dyshimin e bindjen se sistemi po ndryshohet për t’i shërbyer pushtetit e korrupsionit dhe jo qytetarëve.

Drejtësia duhet të jetë mbi politikën, jo në shërbim të saj”, nënvizon Këlliçi./ CNA