E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

“Në rastin e Ballukut, hetimi nga SPAK nuk preket”/ Balla: Kuvendi është në të drejtën e vet që mos e japë autorizimin

9 Mars 2026, 22:03, Aktualitet CNA

“Në rastin e Ballukut, hetimi nga SPAK nuk preket”/ Balla:

Kryetari i Grupit Parlamentar të PS-së, Taulant Balla ka folur mbrëmjen e sotme lidhur me vendimin për rrëzimin e kërkesës së SPAK-ut për imunitetin e Belinda Ballukut.

Balla u shpreh në një emision televiziv, se vendimi i sotëm ishte i duhur sa i përket respektimit të normës kushtetuese. Ndër të tjera theksoi se në rastin e deputetes Balluku, hetimi nuk preket nga mosdhënia e autorizimit.

“Dëshira e shumë njerëzve është që reforma në drejtësi të dështojë, por shumica, mes tyre edhe PS, duan që reforma të thellojë suksesin e vet. Ajo që kemi bërë publike sot është një vendim i duhur, në momentin e duhur sa i përket respektimit të normës kushtetuese. Në Republikën e Shqipërisë nuk ka imunitet për askënd. Jemi ndër të pakta vende që e kemi këtë, duhet ta themi që vendet anëtare të BE, në pjesën më të madhe. Para 3-4 ditësh në parlamentin çek u votua një kërkesë për heqjen e imunitetit të kryeministrit për hetim. Mund të hetohet vetëm nëse nuk do zgjidhet përsëri. Në rastin e koleges Balluku, hetimi nuk preket nga mosdhënia e autorizimit”, u shpreh Balla.

Ndër të tjera shtoi se PS ka vlerësuar se kërkesa e SPAK-ut nuk është e bazuar në prova që Balluku po prish prova. Balla theksoi se Kuvendi është në të drejtën e vet që të enjten mos të japë autorizimin.

“Prokuroria është në të drejtën e vet të bëjë hetimin dhe vlerësojmë që kjo kërkesë nuk është bazuar në prova që Balluku po prish prova. Nuk ka asnjë rrezik që mund të arratiset, ka treguar korrektësi dhe mbi të gjitha ajo që kemi thënë sot është i njëjti mesazh që kemi thënë gjithmonë. Balluku betejën do e bëjë vetë me avokatët e vet. Pse PS po mban qëndrim ndryshe? Është hera e parë që gjendemi para një vendimi të tillë për një vepër që mund të mos dënohet me arrest. Akuza duhet të hetohet, por nuk përbën një akuzë të rëndë. Akuza është për shkelje të barazisë në tendera, për të gjithë të tjerët nuk ka pasur masë paraprake arrest me burg pa pasur vendim gjykate. Kuvendi është në të drejtën e vet që të enjten të mos e japë autorizimin”, tha Balla. /CNA