E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Vrasjet në Shqipëri/ Raporti i SPAK-ut: Lidhen me grupet kriminale, kryhen me armë e eksploziv

9 Mars 2026, 14:42, Aktualitet CNA

Vrasjet në Shqipëri/ Raporti i SPAK-ut: Lidhen me grupet kriminale,

Raporti vjetor i veprimtarisë së Prokurorisë së Posaçme për 2025-ën ndalet ndër të tjera edhe te vrasjet në Shqipëri.

Bazuar në raport, hetimet e përbashkëta të SPAK-ut me autoritetet ndërkombëtare kanë dokumentuar se vrasjet e sofistikuara përbejnë një aktivitet tjetër karakteristik të disa grupeve kriminale shqiptare, shpesh të lidhura me hakmarrje dhe konflikte mes grupeve kriminale.

Sa i përket mënyrës së operimit, raporti jep detaje mbi të cilat mësohet se ekzekutimet kryhen përmes disa mënyrave, përfshirë ato me armë zjarri, shpërthimeve me eksploziv të automjeteve e deri në fshehje të kufomave.

“Struktura operative e këtyre grupeve ishte hierarkike, ku drejtuesit koordinonin planifikimin e ekzekutimeve dhe anëtarët siguronin ekzekutorë, armë, dhe mjete eksplozive për realizimin e krimeve. Veprimtaria e këtyre grupeve përfshinte: ekzekutime me armë zjarri, shpërthime të automjeteve me eksploziv, tentativa për eliminimin e kundërshtarëve, fshehje të kufomave dhe sigurimin e mjeteve materiale”,-theksohet në raport.

Sa i përket lidhjes mes vrasjeve me pagesë dhe pastrimit të parave të përftuara nga aktiviteti i trafikut të drogës, që vinte kryesisht nga Amerika e Jugut drejt Europës dhe Shqipërisë, raporti thekson se vrasjet kryheshin në ambiente në caktuara ku rrezikohej edhe jeta e personave të pafajshëm të gjendur pranë rastësisht.

“Paratë përdoreshin për pagesa për ekzekutorët, blerje armësh, investime në sektorin e pasurive të patundshme dhe aktivitete private tregtare. Hetimet evidentuan gjithashtu përdorimin e komunikimeve të koduara për planifikimin e ekzekutimeve, paralajmërimet për kontrolle dhe koordinimin logjistik. Grupet kriminale kryenin veprime të koordinuara në kohë dhe vend të caktuar, duke rrezikuar jo vetëm jetën e kundërshtarëve, por edhe atë të personave të pafajshëm, që ndodheshin në vendngjarje”,-përmend raporti./CNA