web counter
LEXO PA REKLAMA!

SHKARKO APP

App Store
Google Play

Situata e zjarreve/ Peleshi: 4 vatra aktive në të gjithë vendin

16 Korrik 2024, 19:56, Aktualitet CNA

Situata e zjarreve/ Peleshi: 4 vatra aktive në të gjithë vendin

Situata e zjarreve në vend vijon të mbetet kritike.

Në një postim në rrjetet sociale, ministri i Mbrojtjes, Niko Peleshi bën përmbledhjen e situatës dhe vatrave aktive. Ai deklaron se janë 4 vatra aktive zjarri në të gjithë territorin e vendit.

“4 vatra aktive zjarri janë aktualisht në të gjithë territorin e vendit.

Problematike mbetet situata e zjarrit në Balgjaj në fshatin Kurdari. Forcat operacionale nën koordinimin e Agjencisë së Mbrojtjes Civile po vijojnë të mbajnë nën kontroll situatën, për të shmangur rrezikun pranë një stani me bagëti e dhjetëra koshere bletësh.

Në fshatin Madhesh, njësia administrative Ulëz në Mat zjarri i rënë ka marrë përmasa të menjëhershme dhe po avancon në drejtim të fshatit Stojan. Veç forcave operacionale në terren ka shkuar në ndihmë edhe helikopteri Cougar.

Vijon ndërkaq edhe operacioni për shuarjen e flakëve në vatrën e zjarrit të rënë në Buza Dede mbi fshatin Gurë-Lurë, ku flakët janë pranë liqeneve të Lurës.

Era e fortë ka vështirësuar aksionin për shuarjen e zjarrit edhe në vatrën e regjistruar një ditë më parë në midis malit të Xhyrës dhe njësisë admnistrative Qukës në bashkinë e Prrenjasit”, shkruan Peleshi.

Të gjitha forcat operacionale janë shpërndarë me grupe në zona të ndryshme për të krijuar një perimetër për të ruajtur vijën e zjarrit ekzistues dhe për të fikur çdo aktivizim në kufijtë e zjarrit dhe në thellësi të tij./ CNA





Lajmet e fundit nga