web counter
LEXO PA REKLAMA!

SHKARKO APP

App Store
Google Play

E fundit!

x

Gjetjet e OLAF/ Rrëzohet kërkesa e opozitës, Bardhi: Akt i paprecedentë, po abuzojnë

16 Korrik 2024, 13:04, Aktualitet CNA

Gjetjet e OLAF/ Rrëzohet kërkesa e opozitës, Bardhi: Akt i

Kreu i Grupit Parlamentar të PD-së, Gazment Bardhi, ka reaguar pas rrëzimit të kërkesës për mocion me debat në lidhje me gjetjet e OLAF për abuzim me fondet e BE-së për fermerët shqiptarë.

Bardhi u shpreh për mediat se ky është një akt i paprecedentë ku mazhoranca nuk është dakord të analizojë raportin që 120 ml euro të zhbllokohen në një kohë sa më të shpejtë.

Sipas Bardhit, për shkak të abuzimit të tyre fermerët kanë humbur të drejtën të financohen dhe po abuzohet dhe nuk duan të rregullojnë masat.

“Grupi Parlamentar i PD-së ka analizuar me shumë shqetësim gjetjet e OLAF mbi abuzimet e me fondet e BE-së për bujqësinë në Shqipëri. Në kuadër të këtij raporti grupi ynë parlamentar ftoi mazhorancën të bëhemi bashkë për të ofruar masat e nevojshme që synojnë zhbllokimin e fondeve të BE-së për fermerët.

Në një akt të paprecedentë kolegët e mazhorancës nuk janë dakord të analizojnë raportin që 120 milionë euro të zhbllokohen në një kohë sa më të shpejtë. Për shkak të abuzimit të tyre fermerët kanë humbur të drejtën të financohen. Abuzojnë dhe nuk duan të rregullojnë masat. Kjo është e pashpjegueshme, nuk kishin asnjë argument.

Fermerët e Serbisë, Kosovës, Malit të Zi e Maqedonisë kanë të drejtë të thithin fondet, ndërsa shqiptarët duhet të presin me vite që fondet të bëhen efektive”, u shpreh ai./ CNA





Lajmet e fundit nga