web counter
LEXO PA REKLAMA!

SHKARKO APP

App Store
Google Play

E fundit!

x

Beleri në Strasburg/ Berisha: Dëshmitar i një procesi mafioz politik

15 Korrik 2024, 20:31, Aktualitet CNA
Beleri në Strasburg/ Berisha: Dëshmitar i një procesi mafioz
Kreu i PD-së Sali Berisha

Kreu i PD-së Sali Berisha ka folur për Fredi Belerin i cili pritet të betohet në Strasburg si eurodeputet.

Në tubimin para banesës së tij, Berisha tha se Beleri u nis për në Strasburg si dëshmitar i një procesi mafioz politik.

Kreu i PD-së theksoi se, Fredi Beleri, i cili u bë personazh nga 14 maji gjer sot i studiove televizive, u burgos në një kurth antidemokratik vetëm e vetëm se nuk pranoi të kandidojë për Edi Ramën.

“Sot Fredi Beleri u nis për në Strasburg si dëshmitar i një procesi mafioz politik.Por sot, ai që nuk ka fytyrë, Edi Rama, lakenjtë që e ndjekin atë, dolën para shqiptarëve dhe botës ata që janë, të pafytyrë, të pamoral, mafiozë dhe vetëm me interesa mafioze.

Fredi Beleri, i cili u bë personazh nga 14 maji gjer sot i studiove televizive, u burgos në një kurth antidemokratik vetëm e vetëm se nuk pranoi të kandidojë për Edi Ramën.Nuk pranoi të bëhej Vangjel Tavo. E kuptoni ju, nuk pranoi sepse nuk donte të vidhte me Edi Ramën tokat dhe trojet e bashkëvendasve të tij.

Nuk pranoi se nuk donte të bëhej përfaqësues mafioz i Edi Ramës, Olsi Ramës, Olta Xhaçkës.Me qëndrimin e tij, ai i bëri një shërbim demokracisë shqiptare.Pavarësisht se kaloi një kalvar të vërtetë, por nuk u mposht, nuk u dorëzua.Në fund, ai është një dëshmitar në tempullin e demokracisë në Parlamentin Europian, i fytyrës së vërtetë të narkoshtetit shqiptar.I shtetit të mafies, i shtetit të drogës, i shtetit të bandave dhe kriminelëve në pushtet”, tha Berisha./ CNA





Lajmet e fundit nga