E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Gara për projektin “Rozafa e Re”/ Rama zbulon sfidat: Do të lidhen kontrata për segmente të reja

16 Korrik 2024, 10:12, Aktualitet CNA

Kryeministri Edi Rama gjatë fjalës së tij në Konkursin ndërkombëtar, ku 5 studio të mirënjohura evropiane do të paraqesin përpara jurisë projekt-idetë për Rozafën e re, e cila do ta ripërtërijë e zgjerojë hotelin kryesor të qytetit, me një kapacitet të ri për Shkodrën që rilind dita-ditës dhe fiton përmasën e re të një destinacioni të Shqipërisë Turistike.

Rama u shpreh se do të jenë 5 mundësi, ku njëra prej tyre do të zgjidhet për të ndërtuar një objekt, i cili nuk është thjesht një objekt privat, por një objekt që synohet të kthehet në një ikonë të shekullit për Shkodrën.

“Kanë marrë pjesë 5 studio ndërkombëtare me reputacion të padyshimtë dhe nga ana tjetër sjell 5 mundësi një ndër të cilat do të zgjidhet nga juria për të ndërtuar një objekt, i cili nuk është thjesht një objekt privat, por një objekt që ne synojmë të krijojë një ikonë të këtij shekulli për Shkodrën, e cila është shumë e pasur me monumente, është shumë e pasur me gjurmë të historisë, ku çdo brez ka lënë gjurmën e vet dhe ku kjo ndërtesë është pjesë e një vizioni shumë më të gjerë që kombinon investimet publike të cilat për Shkodrën dhe territorin që shkon lart në Thethin e mrekullueshëm apo që shtrohet në kufirin me Malin e Zi po shtohen dita-ditës”, tha Rama.

Më tej, kryeministri theksoi se sfida mbetet ndërtimi i segmenteve rrugore deri në Muriqan të Korridorit Blu që kanë një segment të përfunduar, por do të vazhdojë me segmente të tjera që do lidhin Balldrenin me Milotin, Milotin me Muriqanin dhe pastaj Balldrenin me Thumanën.

Rama tha se për pak ditë do lidhen kontratat e reja për segmentet e reja nga Thumana në Kashar që tashmë e kemi nga Kashari në Rrogozhinë, nga Rrogozhina në Fier dhe koha e lidhjes së Shkodrës me Tiranën brenda dekadës do jetë rreth 45 minuta, ndërsa koha e lidhjes së Shkodrës me Jugun poshtë do të jetë sa është sot koha e lidhjes me Tiranën.

“Duke konsideruar domosdoshmërinë e një lidhjeje shumë të shpejtë dhe të sigurtë të Shkodrës, qoftë me veriun, qoftë me Tiranën dhe jugun, kryesore mbetet sfida për ndërtimin deri në Muriqan të Korridorit Blu që ka një segment të përfunduar, por do të vazhdojë me segmente të tjera që do të lidhin Balldrenin me Milotin, Milotin me Muriqanin dhe pastaj Balldrenin me Thumanën.

I kemi të qartë hapat dhe ndërkohë një pjesë të rëndësishme të punës për projektet e kemi bërë dhe për pak ditë do lidhen kontratat e reja për segmentet e reja nga Thumana në Kashar që tashmë e kemi nga Kashari në Rrogozhinë, nga Rrogozhinë në Fier dhe koha e lidhjes së Shkodrës me Tiranën brenda dekadës do jetë rreth 45 minuta, ndërsa koha e lidhjes së Shkodrës me Jugun poshtë do të jetë sa është sot koha e lidhjes me Tiranën”, u shpreh Rama./ CNA