E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

SPAK: Njerëzit e inceneratorit të Tiranës, grup i strukturuar kriminal

16 Korrik 2024, 13:25, Aktualitet CNA

Prokuroria e Posaçme ka dalë me njoftimin zyrtar për hetimet në lidhje inceneratorin e Tiranës, si dhe masat e sigurisë të dhëna për 8 persona.

SPAK-u i ka quajtur grup të strukturuar kriminal njerëzit e inceneratorit të Tiranës.

Sipas SPAK-ut, kanë rezultuar fakte penale të tjera të evidentuara gjatë periudhës së zbatimit të kontratës koncesionare, për të cilat është bërë regjistrimi i njoftimit të veprave penale në regjistrin penal, “Pastrimi i produkteve të veprës penale ose veprimtarisë kriminale”, kryer në bashkëpunimin e veçantë në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.

Prokuroria e Posaçme bën me dije se janë pastruar si produkte të veprës penale në vlerën prej afërsisht 20.000.000 (njëzetë milionë) euro, të ndara konkretisht në shumat prej: 1.214.867.060 (një miliard e dyqind e katërmbëdhjetë milionë, e tetëqind e gjashtëdhjetë e shtatë mijë e gjashtëdhjetë) lekë, 9.456.093 (nëntë milionë e katërqind e pesëdhjetë e gjashtë mijë e nëntëdhjetë e tre) euro.

Aktiviteti kriminal i pastrimit të produkteve të veprës penale rezulton se është kryer në vazhdimësi duke filluar që nga momenti i lidhjes së kontratës koncesionare duke përdorur mekanizma dhe forma të ndryshme të ngritura nga organizatorët e këtij aktiviteti kriminal, me pjesëmarrës shtetas shqiptarë dhe të huaj, të cilët kanë vepruar në bashkëpunim në formën e posaçme të grupit të strukturuar kriminal.

Personat pjesëmarrës të këtij grupi të strukturuar kriminal kanë përfituar vlera monetare të mësipërme, si produkte të veprës penale, duke marrë vlerat monetare nga llogaria bankare e shoqërisë koncesionare “Integrated Energy B.V. SPV” sh.p.k., në sajë të mashtrimit nëpërmjet krijimit të faturave fiktive, në sajë të shoqërive fiktive të krijuara brenda dhe jashtë vendit, si dhe nëpërmjet tërheqjes së vlerave monetare në cash.

Hetimet vijojnë për të persona të tjerë të përfshirë në këtë aferë korruptive. / CNA