web counter
LEXO PA REKLAMA!

SHKARKO APP

App Store
Google Play

Shisnin kanabis në lokal pranë një gjimnazi në Shkodër/ Arrestohet i riu, procedohen penalisht 3 të tjerë

22 Shtator 2023, 15:52, Aktualitet CNA

Shisnin kanabis në lokal pranë një gjimnazi në Shkodër/

Një person ka rënë në prangat e policisë, ndërsa 3 të tjerë janë proceduar penalisht pasi akuzohen se përdornin dhe shitnin doza të lëndës narkotike cannabis sativa, në një lokal në afërsi të perimetrit të sigurisë të një gjimnazi në Shkodër.

Falë kërkimeve të kryera në kuadër të megaoperacionit policor mbarëkombëtar, antidrogë, të koduar “Tempulli” u vu në pranga shtetasi E. S., 20 vjeç, si dhe u referuan materialet në Prokurori, ku nisi procedimi në gjendje të lirë për një 16-vjeçar, si dhe për shtetasit J. M., 22 vjeç dhe D. M., 33 vjeç.

Nga kontrollet në ambientet e lokalit, u kap në flagrancë, duke shitur dozat e cannabis sativës, shtetasi E. S. Shtetasit e proceduar në gjendje të lirë dyshohet se janë të implikuar në veprimtaritë kriminale të përdorimit dhe shitjes së dozave të lëndës narkotike cannabis sativa, në këtë lokal.

Në cilësinë e provës materiale, u sekuestrua një sasi lënde e dyshuar narkotike cannabis sativa, e ndarë në doza të gatshme për shitje.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme./ CNA





Lajmet e fundit nga