web counter
LEXO PA REKLAMA!

SHKARKO APP

App Store
Google Play

Seanca për Gërdecin/ Zbardhet dëshmia e ish-rojës së fabrikës: Pashë flakët, njerëzit filluan të bërtisnin

18 Tetor 2023, 15:40, Aktualitet CNA
Seanca për Gërdecin/ Zbardhet dëshmia e ish-rojës së
SPAK

Në Gjykatën e Posaçme vijon seanca për çështjen “Gërdeci”. Raportohet se deri më tani kanë dëshmuar 5 persona, mes tyre ishte edhe Fejzi Shehu i cili ka shërbyer si rojë zëvendësues te fabrika e demontimit të armëve.

Ai ka treguar para trupës gjykuese momentet kur ndodhi shpërthimi.

Prokuroria e Posaçme ka kërkuar që të thirren 71 dëshmitarë për t'u pyetur nga gjykata në lidhje me çështjen “Gërdeci”.

CNA siguroi listën e emrave të dëshmitarëve që SPAK i ka kërkuar të thirren nga gjykata, ku ndër to janë dhe emrat e ish-ministrit Aldo Bumçi dhe djalit të ish-kryeministrit Sali Berisha, Shkëlzen Berisha.

Dëshmia e plotë e Shehut: 

Unë isha roje tek porta kryesore e fabrikës së demontimit aty futeshin punëtorët dhe dilnin kamionët. Ditën e shpërthimit isha në punë, tek porta kryesore dhe më erdhi një familjar i një personi që kërkonte t’i jepte ushqimin.

Qesen e mora unë dhe jam futur brenda deri tek porta e dytë, aty pashë flakën nga një karrocë dhe njerëzit filluan të bërtisnin për shkak të barutit flaka u përhap me shpejtësi. Nuk munda ta fusja ushqimin brenda dhe jam larguar me vrap.

Më pas aty kam mësuar se bëheshin saldimet e karrocave të dorës. Kam parë Qemal Deliun që atë ditë ka dalë dy tre herë jashtë me lejen e përgjegjësit. Emrin e tij e kam mësuar më pas, sepse nuk e dija si emër./CNA

 

 





Lajmet e fundit nga