web counter
LEXO PA REKLAMA!

SHKARKO APP

App Store
Google Play

Samiti i Ukrainës në Tiranë/ Nga agjenda te masat e policisë

28 Shkurt 2024, 07:36, Aktualitet CNA

Samiti i Ukrainës në Tiranë/ Nga agjenda te masat e policisë

Ditën e sotme në Tiranë do të mbahet Samiti i Ukrainës dhe Presidenti Volodymyr Zelensky në këtë rast viziton për herë të parë Shqipërinë.

Agjenda nis me takimin e Zelensky-t me kryeministrin Edi Rama në orën 09:00. Më pas dy delegacionet do të nënshkruajnë një marrëveshje mes dy vendeve.

Në orën 11:00 do të nisin punimet e Samitit në Pallatin e Kongreseve ku do të marrin pjesë edhe liderët e tjerë si presidentja e Moldavisë, si edhe përfaqësuesit e vendeve të Ballkanit, mes tyre Vjosa Osmani.

Në orën 13:30 do të ketë një konferencë për shtyp nga Zelensky dhe Rama.

Samiti i Ukrainës në Tiranë/ Nga agjenda te masat e policisë

Policia e Shtetit nga ana tjetër ka marrë masat për mbarëvajtjen e Samitit.

Disa nga akset kryesore në kryeqytet janë bllokuar. Më datë 28.02.2024, nga ora 07:00 deri në largimin e delegacioneve pjesëmarrëse në aktivitetet e organizuara për Samitin, do të ketë ndalim pushimi dhe qëndrimi, duke filluar nga aeroporti “Nënë Tereza”, rruga e Rinasit – ish-sheshi “Shqiponja” - Unaza e madhe Perëndimore, Rruga e Elbasanit, rrugët “Dervish Hima”, “Faik Konica”, “Ismail Qemali”, “Gjergj Filipi”, “Lek Dukagjini”, “Papa Gjon Pali II” dhe bulevardi “Dëshmorët e Kombit;

Po ashtu do të ketë ndalim qarkullimi për automjetet, në fashat orare 08:00-11:00 dhe 15:30-17:30, nga aeroporti i Rinasit deri tek ish-sheshi “Shqiponja" dhe anasjelltas - Unaza e madhe Perëndimore, Rruga e Elbasanit, rrugët “Dervish Hima”, “Faik Konica”, “Ismail Qemali”, “Gjergj Filipi”, “Lek Dukagjini”, “Jul Variboba” dhe “Fatmir Haxhiu”./ CNA





Lajmet e fundit nga