E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Raporti i Freedom House/ PD gati padinë në “Kushtetuese” për ndryshimet në Akademinë e Shkencave

24 Prill 2024, 13:48, Aktualitet CNA

Raporti i Freedom House/ PD gati padinë në “Kushtetuese”

Deputetja e Partisë Demokratike, Ina Zhupa

Deputetja e Partisë Demokratike, Ina Zhupa doli në një deklaratë për mediat, nga ku foli për raportin e Freedom House, i cili ka përfshirë edhe shkeljet e bëra në emërimet dhe ndryshimet në Akademinë e Shkencave.

Zhupa tha se sipas Raportit, ligjet në Shqipëri po ndjekin një trajektore personale, dhe ka marrë shembull emërimet e Akademisë së Shkencave.

Raporti i Freedom House/ PD padi në “Kushtetuese” për ndryshimet në Akademinë e Shkencave

Deputetja e PartisëDemokratike, Ina Zhupa doli në një deklarët për mediat, nga ku foli për raportin e Freedom House, I cili ka përfshirjë shkeljet e bëra në emërimet dhe ndryshimet në Akademinë e Shkencave.

Zhupa tha se sipas Raportit, ligjet në Shqipëri po ndjekin një trajektore personale, dhe ka marrë shembull emërimet e Akademisë së Shkencave.

“Ndryshimet antikushtetuese, të bëra me porosi nga deputetët në ligjin për Akademinë e Shkencave, kanë gjetur reagimin edhe në raportin e fundit të Freedom House për Shqipërinë.

Në raportin e publikuar tregohet se ligjet ndjekin një trajektore personale, duke injoruar kushtetutën, duke ulur rolin e shoqërisë civile dhe për këtë ka marr shembull rastin e ndryshimeve ligjore ad personam të Akademisë së Shkencave me ndryshime të bëra për përfitime personale të drejtuesit të këtij institucioni.

Akademia e Shkencave, ndryshe nga ç’mund të pritej në çdo vend demokratik, të citohej për arritje dhe për vizion mbi politikat zhvilluese të vendit, është përfshirë në Raportin e Freedom House si shembull për antiparime, për antikushtetueshmëri dhe për kapjen e saj me ndërhyrje të kuvendit nga një individ.

Siç e kam shpallur që në diskutimet e ligjit, dua të vë në dijeni opinionin publik se është gati padia që do i drejtohet Gjykatës Kushtetuese për këtë ligj, me mbështetjen e deputetëve të grupit parlamentar të PD.

Padia në Gjykatë Kushtetuese do jetë kundra ndryshimeve ligjore antikushtetuese, ku trajtojnë në mënyrë të diferencuar akademikët 70 vjeçar, ku të gjithë kthehen emeritus në këtë moshë, përveç njëri, kryetarit. Ky kryetari emeritus që nuk është më anëtar i asamblesë drejton asamblenë. Koncepti i barazisë para ligjit zhduket dhe kushtetuta shkelet.

Ndaj si ligjvënës do të ndjekim interesin publik për një akademi të pavarur, për një akademi që drejtohet në mënyrë kushtetuese dhe do të reagojmë ndaj çdo shkelje të kushtetutës dhe interesit publik.”, u shpreh Zhupa./ CNA