web counter
LEXO PA REKLAMA!

SHKARKO APP

App Store
Google Play

Qarku Korçë përfshihet nga reshjet e dëborës, disa fshatra pa energji elektrike

27 Mars 2026, 09:15, Aktualitet CNA

Gjatë natës së 27 marsit, disa akse rrugore në Qarkun Korçë janë përfshirë nga reshje dëbore, ndërsa trashësia ka arritur deri në 7 cm në disa segmente.

Drejtoria Rajonale Qendër-Lindje njofton se akset Libonik – Rëmbec – Plasë, Korçë – Voskopojë, K/Boboshticë – Dardhë, Ersekë – Leskovik, Zgosht – Sebisht, Korçë – Ersekë dhe Zemblak – Goricë (Qafa e Zvezdës) janë pastruar dhe kriposur, duke siguruar qarkullimin normal të automjeteve, ndërsa ekipet kontraktore vijojnë punën në terren.

Ndërkohë, dispeçeria rajonale e OSHEE njofton ndërprerje të pjesshme të energjisë në disa zona rurale:

-Fideri Vithkuq, N/St Rehovë: 205 abonentë pa energji në fshatra të thella.

-Fideri 1, N/St Pogradec: 317 abonentë në zonën Verdovë.

-Fideri Potozhan, N/St Guri i Kuq: 1983 abonentë në zona rurale dhe të thella.

-Ekipet e OSHEE janë në terren dhe në gatishmëri për riparimin e defekteve, ndërsa të gjithë fiderat që furnizojnë konsumatorë të rëndësisë së veçantë funksionojnë normalisht, po ashtu edhe Hidrovori i Pogradecit.

Autoritetet bëjnë apel për kujdes maksimal në udhëtime dhe monitorim të situatës në terren për energjinë elektrike./ CNA





Lajmet e fundit nga