web counter
LEXO PA REKLAMA!

SHKARKO APP

App Store
Google Play

“Reshje dëbore dhe ulje e temperaturave”/ Çfarë ka rezervuar moti për ditën e nesërme

26 Mars 2026, 18:44, Aktualitet CNA

“Reshje dëbore dhe ulje e temperaturave”/ Çfarë ka

Kushtet atmosferike do të vijnë duke u përkeqësuar edhe ditën e nesërme. Sipas një njoftimi të Institutit të Gjeoshkencave, nesër priten reshje mesatare deri lokalisht intensive në qarkun e Shkodrës, Kukësit, Lezhës, Vlorës dhe Gjirokastrës.  

Reshjet do të shoqërohen me shtrëngata ndërsa, në veri, lindje dhe juglindje të vendit, në lartësitë mbi 600 m nga niveli i detit reshjet pritet të jenë në formë dëbore.

Intensiteti i reshjeve mund të krijojë probleme si rrëshqitje të dherave dhe vërshime të ujit në zonat urbane të lokalizuara. Bëhet gjithashtu me dije se temperaturat po ashtu do të shënojnë ulje.

Njoftimi i plotë:

RESHJET

Sot pasdite dhe nesër (e premte, dt. 27) priten reshje mesatare deri lokalisht intensive në qarqet Shkodër, Kukës, Lezhë, Vlorë dhe Gjirokastër. Në qarqet e tjera priten reshjet mesatare. Reshjet do të shoqërohen me shtrëngata.

Në Veri, Lindje dhe Jug Lindje të vendit, në lartësitë mbi 600 m nga niveli i detit reshjet pritet të jenë në formë dëbore.

Shtrëngatat dhe intensiteti i lartë i reshjeve, mund të krijojnë probleme të ndryshme, si rrëshqitje të dherave dhe vërshime të ujit në zonat urbane të lokalizuara, në varësi të sistemit të kanalizimeve në qarqet Shkodër, Kukës, Durrës, Vlorë dhe Gjirokastër.

TEMPERATURA

Nesër temperaturat minimale dhe maksimale të ajrit pritet të arrijnë:

në bregdet: 7 / 12 °C

në vendet e ulëta: 4 / 13 °C

në vendet malore: -1 / 11 °C

ERA

Sot pasdite dhe nesër era pritet të fryjë mesatare deri e fortë. /CNA





Lajmet e fundit nga