web counter
LEXO PA REKLAMA!

SHKARKO APP

App Store
Google Play

E fundit!

x

Akuzohet si porositësi i 137 kilogramëve kokainë nga Ekuadori/ Lihet në burg Gentian Malindi

16 Nëntor 2022, 16:02, Aktualitet CNA

Akuzohet si porositësi i 137 kilogramëve kokainë nga Ekuadori/

Gentian Malindi, i akuzuar si porositësi i 137 kilogramëve kokainë në kontejnerët e 'Alba Exotic Fruit', është lënë në burg.

Vendimi është marrë sot nga Apeli i GJKKO-së.

Malindi u arrestua më 27 tetor të këtij viti, ndërsa ndaj tij rëndojnë akuzat e “Falsifikimit të letërnjoftimeve, pasaportave, ose të vizave”.

Kujtojmë se 137 kilogramë kokainë, u zbuluan në Portin e Piereut, që më pas u zëvendësua me oriz nga uniformat blu.

Autoritetet mbajtën nën vëzhgim kontejnerin e Durrësit, për të zbuluar rrjetin e trafikut të drogës.

Biznesmeni dyshohet se ka dalë garant për të çuar kontejnerin në destinacion për llogari të grupeve kriminale.

Pasi vuri re që në pako ishte futur oriz dhe brenda kishte lokalizues satelitor, ai ka hedhur çantën nga automjetin, por ishte ende nën vëzhgim nga Forcat Operacionale Speciale.

Deklarata e plotë e Apelit:

Referuar raportimeve të mëparshme në media, Gjykata e Apelit Tiranë, informon sa më poshtë:

Më datë 27.10.2022, ora 10:00, në ambjentet e bar kafe karburant “Bakalli”, në Vorë, Policia e Komisariatit Vorë, ka ndaluar shtetasin me iniciale G.M, nga ku rezulton se ky shtetas është shpallur në kërkim me vendim të GJ.K.K.O, pasi ndaj tij është caktuar masa sigurimit personal “Arrest në burg”, në mungesë, si i dyshuar për kryerjen e veprave penale “Trafikimi i narkotikëve”, “Grup i strukturuar kriminal”, “Kryrja e veprave kriminale nga organizata kriminale dhe grup i strukturuar kriminal”. Gjatë kontrollit të ushtruar nga policia janë sekuestruar dokumenta të një shtetasi të Republikës së Kosovës, të cilat përdoreshin nga personi me iniciale G.M.

Në vijim, Gjykata e Rrethit Gjyqësor Tiranë, ka zhvilluar gjykimin lidhur me vlerësimin e ligjshëm të arrestit dhe caktimin e masës së sigurimit “arrest ne burg”, ndaj personit nën hetim shtetasit me iniciale G.M. i dyshuar për kryerjen e veprës penale të “Falsifikimi i letërnjoftimeve, pasaportave, ose i vizave, të parashikuar nga neni 189/2 të K.Penal.

Me vendimin nr. 2271 Akti, datë 30.10.2022 Gjykata e Rrethit Gjyqësor Tiranë vendosi:

- Vlerësimin si të ligjshëm të arrestimit të shtetasit  G.M.

- Caktimin si mase sigurimi personal ndaj shtetasit G.M, atë të “arrestit ne burg”, te parashikuar nga Neni 238 i K. Pr. Penale.

Çështja në apel u shqyrtua mbi bazën e ankimit të bërë nga personi nën hetim me iniciale G.M.

Në përfundim të gjykimit Gjykata e Apelit Tiranë, e përbërë nga Gjyqtare znj.Irida Kacerja, me vendimin nr, 996 datë 15.11.2022 vendosi:

- Miratimin e vendimit nr.2271 akti, date 30.10.2022 te Gjykates se Rrethit Gjyqesor Tiranë./ B.A. - CNA.al





Lajmet e fundit nga