E fundit!

21:44 Kronika

Të shtënat në Elbasan/ Policia jep detaje për ngjarjen

Mësohen detaje të reja lidhur me ngjarjen e ndodhur mbrëmj...

Kush është Nikolla (Bllazhde) Xhufka?/ Një sqarim i nevojshëm për opinionin publik

16 Nëntor 2022, 14:17, Aktualitet CNA

Kush është Nikolla (Bllazhde) Xhufka?/ Një sqarim i

Foto ilustruese

Në mediat sociale, bëri xhiron e rrjetit një deklaratë e Nikolla (Bllazhde) Xhufka, i cili u shfaq duke tëhën se të krishterët duhet të marrin shembull nga muslimanët, pasi ata i falen Zotit 5 herë në ditë,.

Menjëherë ka ardhur një sqarim publik nga Mitropolia e Shenjtë e Elbasanit, Shpatit dhe Librazhdit.

Sqarimin, Mitropolia e Shenjtë e Elbasanit, Shpatit dhe Librazhdit, e nis me frazën. “Ruhuni nga profetët e rremë, që vijnë të veshur si dele, por që përbrenda janë ujq grabitqarë”.

Më tej në deklaratë thuhet se Nikolla Bllazhde Xhufka nuk është klerik ortodoks dhe nuk njihet si i tillë nga asnjë Kishë e krishterë në asnjë vend. Pretendon se është dorëzuar nga një person serbo-rumun, i cili nuk ka asnjë lidhje me Kishen Ortodokse dhe nuk është klerik i saj. Kemi të bëjmë thjesht me një mashtrim të opinionit publik.

Deklarata e plotë nga Mitropolia e Shenjtë e Elbasanit, Shpatit dhe Librazhdit.

KUSH ËSHTË NIKOLLA (BLLAZHDE) XHUFKA? Një sqarim i nevojshëm për opinionin publik.

«Ruhuni nga profetët e rremë, që vijnë të veshur si dele, por që përbrenda janë ujq grabitqarë.»

Mateu 7:15

1. Nikolla (Bllazhde) Xhufka nuk është klerik ortodoks dhe nuk njihet si i tillë nga asnjë Kishë e krishterë në asnjë vend. Pretendon se është dorëzuar nga një person serbo-rumun, i cili nuk ka asnjë lidhje me Kishen Ortodokse dhe nuk është klerik i saj. Kemi të bëjmë thjesht me një mashtrim të opinionit publik.

2. Nikolla përfaqëson vetëm veten e tij, nuk ka as kishë as komunitet besimtarësh, pavarësisht deklaratave pompoze që bën herë pas here në media.

3. Ka improvizuar në bodrumin e shtëpisë së tij, atë që e quan “kishë”, duke mashtruar haptazi edhe në media se bëhet fjalë për një “kishë paleokristiane - katakomb”.

4. Mashtron dhe gënjen haptazi dhe në media se ka kryer studime fetare ndërkohë që ska bërë anjë të tillë. Sa për saktësi, ka mbaruar shkollën e mesme profesionale për teknologji - ushqimore në Elbasan, madje përsëritës i vitit të fundit.

5. Bën deklarata “patriotike”, ndërkohë përbuz dhe tallet me klerikët ortodoksë shqiptarë, gjithashtu vë në lojë dhe ironizon seriozitetin e liderëve fetarë dhe të klerikëve të besimeve të tjera.

6. Mungesa e formimit fetar bën që deklaratat e tij mediatike në lidhje me besimin ortodoks të jenë të gabuara dhe disinformuese. Ky person nuk varet nga asnjë autoritet kishtar dhe nuk mban përgjegjësi për veprimet e tij.

7. I vetmi interes i tij është shfaqja mediatike dhe tërheqja e opinionit publik, pavarësisht dëmit që i shkakton figurës së klerikut dhe besimit ortodoks.

8. Deklaratat e tij të papërgjegjëshme në media, nën maskën e petkut fetar, shkaktojnë pakënaqësi, duke nxitur rivalitet mes besimeve fetare, mungesë respekti reciprok dhe për pasojë urrejtje ndërfetare.

9. E shohim me shqetësim mediatizimin e tij. Marrja e informacionit paraprak nga mediat për personin në fjalë, i cili nuk i përket asnjë komuniteti fetar, nuk ka asnjë autorizim, nuk ka formim përkatës dhe nuk përfaqëson askënd përveç vetes së tij, do e bënte të qartë përse nuk meriton të merret seriozisht.

10. Kisha Orthodhokse Autoqefale e Shqipërisë është i vetmi autoritet shpirtëror dhe zyrtar që garanton ruajtjen dhe promovimin e parimeve dogmatike dhe kishtare, e cila udhëhiqet nga organet e saj legjizime në përputhje me statutin dhe kanonet kishtare. Çdo përpjekje, si në të shkuaren ashtu edhe tani, për të nënvlerësuar rolin dhe kontributin e Kishës Orthodhokse në Shqipëri do të dështojë me hirin dhe ndihmën e Zotit.

Mitropolia e Shenjtë e Elbasanit, Shpatit dhe Librazhdit.

Elbasan më, 16 nëntor 2022