web counter
LEXO PA REKLAMA!

SHKARKO APP

App Store
Google Play

E fundit!

x

Hapja e dosjeve të sigurimit/ Presidenti dekreton ligjin në limitet e afatit

16 Nëntor 2022, 15:18, Aktualitet CNA

Hapja e dosjeve të sigurimit/ Presidenti dekreton ligjin në limitet e

Presidenti i Republikës ka dekretuar më në fund ligjin e shumëdebatuar të dosjeve.

Ligji i kërkuar me urgjencë nga Autoriteti i Dosjeve dhe që ngriti në këmbë Kuvendin më në fund ka marrë numër rendor si dhe datë të miratimit nga Presidenti i Republikës.

Ligji, nevoja për të cilin arriti të shqetësojë edhe Kryetaren e Kuvendit Lindita Nikolla që duket se s'ka gjë në botë që mund ta bëjë të prishë rehatinë, u studiua gjatë nga Presidenti i Republikës.

CNA.al l mbetet e angazhuar që të testojë funksionimin praktik të ligjit dhe e ka ndjekur ditë pas dite procesin e zbardhjes nga Kuvendi te tij, të dërgimit në Presidencë dhe të dekretimit te tij.

Kuvendi i Shqipërisë ia ka përcjellë Presidentit të Republikës, draftin e miratuar në datë 25 Tetor.

Deri në datë 11 Nëntor, në faqen e Presidencës nuk kishte asnjë dekret të publikuar për miratimin e ligjit.

Afati i fundit ishte dita e Martë, datë 15 Nentor.

Gjithë zhurma dhe urgjenca nuk kish arritur të prishte terezinë e Presidentit, i cili deri në mesditën e të Premtes së dates 11 Nentor, nuk kishte nxjerrë asnje dekret për miratimin e Ligjit.

Ndërkohë ndersa prisnim ndonjë njoftim zyrtar nga Presidenca, asgjë nuk ndodhi.

Ndaj vendosëm të verifikojmë edhe një herë të fundit faqen e Presidencës, papritur vërejmë se Presidenti e paska dekretuar ligjin fiks në datë 11 Nëntor. Të paktën kjo është data që referon dekreti.

Ne sidoqoftë po e marrim të mirëqenë datën 11 Nëntor.

Urgjenca e nismës që ngriti peshë Nikollën dhe gjithë "tufën e dashnorëve të transparencës" lidhur me dosjet e sigurimit të shtetit, e kandisi më në fund Begajn që 16 ditë pasi mori shkresën e përcjelljes së ligjit nga Nikolla, të gjejë një numër protokolli edhe për dekretimin e aktit.

Megjithëse faqja e Presidencës do të na bëjë të besojmë që Presidenti Begaj e ka dekretuar ligjin në date 11 Nentor (dhe jo në ditën e fundit të afatit pra 15 Nentor), deri në 15 Nentor ligji nuk është nisur për publikim në fletoren zyrtare.

Për hyrjen në fuqi duhet të kalojnë edhe 15 ditë të tjera, pasi Begaj të vendosë ta nisë për publikim dhe pasi të tjerë zyrtarë te vendosin ta publikojnë në fletoren zyrtare të rradhës.

Kjo ishte urgjenca që justifikoi ndryshimet ligjore dhe që bëri bashkë Enkelejd Alibeajn me grupin parlamentar Socialist.

Ndërkohë 2 nismat e tjera gjithshtu urgjente e të njoftuara 3-4 herë nga socialistet e të cilat do të përjashtonin nga politika dhe jo vetëm, ish bashkëpunëtorët e sigurimit të shtetit, janë harruar.

Shtatori ishte muaji i njoftuar si muaji i të vërtetave. 
Nëntori po ikën. Dhe Dhjetori nuk është shquar shumë si muaj nismash historike./CNA.al





Lajmet e fundit nga