web counter
LEXO PA REKLAMA!

SHKARKO APP

App Store
Google Play

Porositë e Ballës: Të rritet fuqia kontrolluese në pikën kufitare

28 Korrik 2023, 09:58, Aktualitet CNA

Porositë e Ballës: Të rritet fuqia kontrolluese në

Ministri i Brendshëm, Taulant Balla, ka kryer një inspektim në terminalin e pasagjerëve në Portin e Durrësit.

Ministri deklaroi se është shumë e rëndësishme të ruhet pika e kalimit kufitar të Portit të Durrësit, ndaj duhet të rritet fuqia kontrolluese.

“Është shumë e rëndësishme ta ruajmë pikën tonë të kalimit kufitar të Portit të Durrësit si një pikë të rëndësishme dhe të besueshme për vendet e BE-së, jo vetëm me fqinjin tonë Italinë. Ndaj duhet që të rrisim fuqinë tonë kontrolluese, por kjo nuk duhet të prekë aspak cilësinë e shërbimit ndaj të gjithë udhëtarëve që kalojnë përmes portit të Durrësit. Duhet që t’i presim me respekt të gjithë ata që do të kalojnë këtu, gjatë gjithë kësaj vere, dhe t’i përcjellim po me respekt të gjithë ata që do rikthehen”, tha ministri.

Më tej Balla u ka siguruar efektivëve që Policia e Shtetit do t'u ofrojë mbështetje në çdo lloj forme.

 “Shumë shpejt do të fillojmë të aplikojmë për të gjitha familjet e reja, për çdo punonjës policie nën 40 vjeç, që është një familje e re, ka nevojë për t’u trajtuar me një banesë, ne do ta fillojmë brenda këtij viti me 100 banesat e para. Pastaj besoj se gjatë vitit 2024 do të kemi edhe 300 banesa të tjera dhe ndërkohë që bashkë me bashkitë, edhe me Bashkinë e Durrësit këtu ku jemi, por edhe me bashkitë e tjera, do të gjejmë forma të tjera për të mbështetur çdo punonjës policie, me çdo lloj forme për çdo lloj halli që mund të ketë”, nënvizoi ai./ CNA





Lajmet e fundit nga