web counter
LEXO PA REKLAMA!

SHKARKO APP

E fundit!

x

Korriku muaji më i nxehtë/ Temperatura deri në 50 gradë

27 Korrik 2023, 16:33, Aktualitet CNA

Korriku muaji më i nxehtë/ Temperatura deri në 50 gradë

Shkencëtarët nga dy autoritete globale të klimës raportojnë para përfundimit të korrikut se ky muaj do të jetë më i nxehti i planetit, në histori.

Nxehtësia në korrik ka qenë tashmë aq ekstreme saqë është "praktikisht e sigurt" se ky muaj do të thyejë rekorde "me një diferencë të konsiderueshme", thanë Shërbimi i Ndryshimeve Klimatike i Bashkimit Evropian Copernicus dhe Organizata Botërore Meteorologjike në një raport të botuar të enjten.

Shumë shkencëtarë thonë se është pothuajse e sigurt se këto temperatura janë më të ngrohtat që planeti ka parë duke pasur parasysh atë që dimë nga të dhënat mijëvjeçare të klimës, raporton CNN.

Ndërsa temperaturat janë rritur mbi 50 gradë Celsius në disa pjesë të SHBA-së edhe vdekjet nga nxehtësia janë rritur.

Një studim i fundit zbuloi se ndryshimi i klimës luajti një rol "absolutisht dërrmues" në valët e të nxehtit në SHBA, Kinë dhe Evropën Jugore këtë verë./CNA.al





Lajmet e fundit nga