Lëvizje surprizë në PS? Deputeti: Rama vlerëson punën, dimë cila reformë ka ecur e cila jo

27 Korrik 2023, 19:19, Aktualitet CNA

Lëvizje surprizë në PS? Deputeti: Rama vlerëson punën,

Deputeti, Arben Pëllumbi thotë se ndryshimet në qeveri mund të jenë surprizë për publikun, por për kupolën e larë të PS nuk janë surprizë.

Sipas tij është kryeministri ai i cili e vlerëson punën e secilit dhe përcakton se kush duhet të zëvendësohet dhe kush jo.

Pëllumbi thotë se Partia Socialiste ka shumë njerëz të përgatitur që mund të zëvendësojnë këdo.

“Besoj që ndryshimet në qeveri mund të jenë surprizë për publikun, por për kupolën e larë të PS nuk janë surprizë, gjithsesi në statutin e PS kabineti qeveritar është tager i kryeministrit, sepse është ai që vlerëson punën nëse ka punuar mirë, apo kush do të zëvendësohet. Nuk besoj se do jenë surpriza, surpriza do jenë a e morën vesh një ditë përpara po 3 ditë mbrapa, në këtë sens është surprizë, sepse në punën e qeverisë dihet çfarë ka ecur shumë mirë dhe çfarë ka ecur jo mirë, se cili është emri pak rëndësi ka, PS ka shumë forca dhe njerëz të përgatitur që mund të zëvendësojnë këdo, e ka këtë potencial”, është shprehur ai gjatë një interviste për A2 CNN .

Deputeti, Pëllumbi foli dhe për punën e bërë nga SPAK.

Sipas tij kjo instancë e qeverisë nuk ka më frikë, qeveria nuk mbron asnjë, politika nuk mbron asnjë.

“SPAK nuk ka më frikë, qeveria nuk mbron asnjë, politika nuk mbron asnjë, dikur nuk zbatoheshin urdhrat e policisë, por ishte në arrest dhe drejtonte nga shtëpia, kjo filozofoi ka ndryshuar dhe ne jemi krenar dhe e kemi ndryshuar që në të gjithë qeverisje të ketë një frymë të re për të reflektuar besimin e qytetarëve që ju kanë dhënë një punë”, u shpreh ai.

Pëllumbi dha dhe një mesazh për opozitën e cila duket tejet e përçarë.

“Do uroja që opozita të jetë në detyrën e vet të të bëri opozitë”, tha ai teksa shtoi se do të njohin Partinë Demokratike që ka të drejtën ligjore të përfaqësohet në Kuvend, cilido qoftë ai që do e drejtojë.

“PS ka sfidat e veta, kemi riorganizimin e strukturave, kjo është detyra jonë kryesore, një opozitë e dobët nuk është mirë as për maxhorancën, do uroja që opozita të jetë në detyrën e vet të të bëri opozitë, ne e vumë re që për hir të betejave të fraksioneve, të imponohet problemi në Kuvend dhe të kërkohet shkelje të rregullores. Ne do njohim PD që ka të drejtën ligjore të përfaqësohet në Kuvend, cilido qoftë ai që do e drejtojë”, tha deputeti Pëllumbi./CNA.al