web counter
LEXO PA REKLAMA!

SHKARKO APP

App Store
Google Play

Për të njohur më mirë veten dhe Zotin/ Zhvillohet Kampi Veror për Fëmijë në Mitropolinë e Gjirokastrës në Glikomil

19 Korrik 2025, 15:50, Aktualitet CNA

Për të njohur më mirë veten dhe Zotin/ Zhvillohet Kampi

Përgjatë 6 ditëve të kësaj jave, nga data 14 deri më 19 korrik 2025, u zhvillua Kampi Veror për Fëmijë në Mitropolinë e Hirshme të Gjirokastrës në Glikomil.

Ky kamp është një përvojë e rrallë që mblodhi rreth 45 fëmijë të moshave 10–14 vjeç. Kampi u organizua nën kujdesin dhe përkushtimin e Atë Emiliano Lito dhe Dhjakon Pandeli Zeneli.

Për të njohur më mirë veten dhe Zotin/ Zhvillohet Kampi

Tema që e udhëhoqi kampin 6-ditor ishte: "Perëndia është Dashuri", një mesazh që depërtoi në zemrat e fëmijëve përmes çdo aktiviteti. Çdo ditë u shënua nga lutje të përbashkëta, mësime me përmbajtje shpirtërore, lojëra të organizuara, këngë dhe biseda të hapura që i ndihmuan fëmijët të njohin më mirë veten, njëri-tjetrin dhe dashurinë e Zotit.

Për të njohur më mirë veten dhe Zotin/ Zhvillohet Kampi

Një moment i veçantë bekimi gjatë Kampit ishte edhe vizita e Mitropolitit mbikëqyrës të Gjirokastrës, Hirësinë e Tij, mitropolitin e Apolonisë dhe Fierit, imzot Nikolla, i cili u takua me fëmijët, i bekoi dhe ndau me ta fjalë ngrohtësie dhe frymëzimi atëror. Prania e tij solli gëzim dhe forcim të lidhjes shpirtërore mes Kishës dhe brezit të ri.

Për të njohur më mirë veten dhe Zotin/ Zhvillohet Kampi

Në fund të kampit, fëmijët morën me vete jo vetëm kujtime të bukura, por edhe një përvojë të gjallë të dashurisë së Perëndisë dhe të bashkëjetesës së krishterë. Kampi në Glikomil tregoi edhe një herë se kur përkushtimi dhe besimi bashkohen, mbillen fara të shëndetshme në zemrat e të vegjëlve./CNA





Lajmet e fundit nga