web counter
LEXO PA REKLAMA!

SHKARKO APP

App Store
Google Play

Sigurimet Shoqërore marrëveshje me INPS/ Hado: Për herë të parë, formularët do të shkëmbehen në rrugë elektronike

18 Korrik 2025, 20:10, Aktualitet CNA

Sigurimet Shoqërore marrëveshje me INPS/ Hado: Për herë

Instituti i Sigurimeve Shoqërore dhe INPS italiane kanë firmosur Marrëveshjen Teknike për shkëmbimin elektronik të formularëve në kaudët të marrëveshjes së pensioneve mes Shqipërisë dhe Italisë.

Lajmi është bërë i ditur nga drejtori i ISSH, Astrit Hado, i cili me anë të një postimi në rrjetet sociale thotë se marrëveshja synon të lehtësojë dhe përshpejtojë procedurat administrative duke mundësuar shkëmbim të sigurt të kërkesave në mënyrë elektronike.

Më tej, Hado thotë se firmosja e këtij dokumenti është një hap tjetër konkret drejt zbatimit të marrëveshjes dypalëshe, për qytetatër që kanë kontribute në Shqipëri dhe Itali.

 

“Takim zyrtar ndërmjet INPS dhe ISSH për Marrëveshjen Teknike mbi  shkëmbimimin elektronik të formularëve.

Në kuadër të zbatimit të Marrëveshjes për Sigurimet Shoqërore ndërmjet Republikës së Shqipërisë dhe Republikës Italiane, hyrë në fuqi më 1 korrik 2025, u firmos sot nga krerët e dy delegacioneve të nivelit të lartë teknik shqiptar dhe italian, nga z. Astrit Hado - Drejtor i Përgjithshëm ISSH dhe znj. Valeria Vittimberga - Drejtoreshë e Përgjithshme e INPS, Marrëveshja Teknike për shkëmbimin elektronik të formularëve zbatues.

Për herë të parë, në marrëveshjen me Italinë, formularët do të shkëmbehen në rrugë elektronike, duke shkurtuar kohën e transmetimit të dokumentacionit për dhënien e përfitimeve.

Kjo marrëveshje synon të lehtësojë dhe përshpejtojë procedurat administrative ndërmjet institucioneve kompetente të sigurimeve shoqërore të të dy vendeve, duke mundësuar shkëmbimin e sigurt dhe efikas të kerkesave për përfitime në të dy vendet, në mënyrë elektronike.

Firmosja e këtij dokumenti përbën një hap tjetër konkret në zbatimin e plotë të marrëveshjes dypalëshe, me qëllim garantimin e të drejtave të qytetarëve që kanë punuar dhe kontribuar si në Shqipëri, ashtu edhe në Itali”, shkruan Hado./ CNA





Lajmet e fundit nga