E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Pajisja që mbron flokët nga rënia gjatë kimioterapisë, tashmë në Shqipëri për herë të parë, ekskluzivisht në Spitalin Amerikan 3

29 Korrik 2025, 11:52, Aktualitet CNA

Pajisja që mbron flokët nga rënia gjatë kimioterapisë,

Spitali Amerikan 3

Për herë të parë në Shqipëri, në Spitalin Amerikan 3, është instaluar pajisja më e avancuar Paxman Scalp Cooling, e cila mbron flokët nga rënia, te pacientët onkologjikë gjatë trajtimit me kimioterapi.

Dr. Kleida Mati, mjeke onkologe pranë Spitalit Amerikan 3, thotë se kjo teknologji inovative u vjen në ndihmë këtyre pacientëve, duke shmangur një nga pasojat më të vështira psikologjikisht për ta: rënien e flokëve.

“Paxman Scalp Cooling është një pajisje që ndihmon në parandalimin e rënies së flokëve gjatë aplikimit të kimioterapisë. Është hera e parë që kjo pajisje vjen në Shqipëri për pacientët që trajtohen me kimioterapi,” tha Dr. Mati.

Instalimi i kësaj pajisjeje në Shqipëri nuk është vetëm një risi teknologjike, por edhe një qasje më humane ndaj pacientëve.

“Shumë rëndësi ka trajtimi i efekteve anësore që mbartin një ngarkesë emocionale të veçantë, siç është rënia e flokëve. Ndalimi i rënies së flokëve gjatë terapisë i ndihmon pacientët të jenë më të fokusuar te trajtimi dhe, në shumë raste, të vazhdojnë aktivitetet e tyre të përditshme pa ngarkesa të panevojshme emocionale”, thekson mjekja onkologe.

Përdorimi i PAXMAN, sipas Dr. Kleida Mati, është sa i thjeshtë, aq edhe i vlefshëm për pacientët.

“Gjatë aplikimit të kimioterapisë, pacientët pajisen me një kapuç, i cili është i lidhur me një aparaturë që shkakton ftohje të njëtrajtshme të skalpit. Kjo sjell vazokonstriksion (ngushtim të enëve të gjakut) dhe ul penetrimin e preparateve të kimioterapisë në rrënjët e flokëve. Si rezultat, flokët dëmtohen më pak dhe rrjedhimisht, rënia e tyre reduktohet ndjeshëm”, shpjegon Dr. Mati.

PAXMAN Pioneer ka kaluar të gjitha testet klinike ndërkombëtare dhe është i certifikuar si një nga pajisjet me efikasitetin më të lartë në parandalimin e rënies së flokëve gjatë kimioterapisë./ CNA