web counter
LEXO PA REKLAMA!

SHKARKO APP

App Store
Google Play

Pagesa për avokatët dhe shpenzimet shëndetësore/ Berisha jep sqarime

16 Shtator 2024, 13:47, Aktualitet CNA
Pagesa për avokatët dhe shpenzimet shëndetësore/ Berisha jep
Kreu i PD-së, Sali Berisha

Kreu i PD-së, Sali Berisha, ka dhënë sqarime në lidhje me akuzat për korrupsion nga SPAK-u.

Në një deklaratë për mediat, ish-kryeministri Sali Berisha ka dhënë sqarime sa u përket shpenzimeve shëndetësore apo për avokatët për çështjen “non grata”.

Lideri i opozitës tha se shpenzimet shëndetësore për të i ka bërë vajza e tij, Argita Malltezi.

"Sali Berisha ka kursimet e veta të deklaruara në ILDKPI. Ato kursime i administraton vajza jonë Argita Malltezi. Shpenzimet shëndetësore.

Në të gjitha rastet ka marrë një porosi nga unë, këto shpenzime do t'i marrësh nga kursimet e mia, ajo ka gjykuar këto shpenzime t’i përballojë me kursimet e saj.

Ne jemi familje me një solidaritet si çdo familje.

Sa i përket pagesave për avokatët, ato janë pagesa të cilat janë bërë siç thua ti, por janë të gjitha hua të 4 personave që janë në procesin e shpalljes 'non grata' nga lobimi korruptiv i Ramës, Sorosit pranë sekretarit Blinken. Huatë janë shlyera. 

Lidhur me ndonjë transfertë që ka bërë Jamarbër Malltezi me porosi të Argita Malltezit, e cila nuk ka qenë në Shqipëri, ata e kanë zgjidhur çdo gjë në këtë kuadër.

Nuk ka asnjë shkelje ligjore dhe ata që mendojnë se është ryshfet solidariteti familjar ata nuk kanë familje, nuk dinë se çfarë është familja.

Argita Malltezi i ka të deklaruar në institucionin e ILDKPI-së.

Shkojnë nxjerrin transaksione të 30 viteve më parë që askohe merrej me 'real estate' dhe për të krijuar lajme në media për një akt 100% normal pa asnjë lidhje me klubin Partizani, por qeniet mjerane të SKAP-it, pasi kanë shitur gjithçka të vetes së tyre, janë të aftë të bëjnë gjithçka", tha Berisha./ CNA





Lajmet e fundit nga