web counter
LEXO PA REKLAMA!

SHKARKO APP

App Store
Google Play

Mandati i Xhaçkës/ Niko Peleshi: Nuk kundërshtuam vendimin e Kushtetueses, ku qëndron paqartësia

16 Shtator 2024, 10:25, Aktualitet CNA

Mandati i Xhaçkës/ Niko Peleshi: Nuk kundërshtuam vendimin e

Kreu i grupit parlamentar të PS-së, Niko Peleshi, pas mbledhjes së grupit në një deklaratë për mediat ka folur për vendimin e Kuvendit për mosdërgimin e mandatit të deputetes Olta Xhaçka në Gjykatën Kushtetuese.

Peleshi ka deklaruar se nuk ka patur asnjë kundërshtim në zbatimin e vendimit të Gjykatës Kushtetuese, por ka paqartësi që ky mocion nuk përparon dot për shkak të votimit.

Sipas Peleshit të gjitha palët kanë të drejtën e tyre por cila e drejtë prevalon është paqartësia.

“Ju e thoni me një gjuhë të ashpër. Nuk bëhet fjalë për një kundërshtim ne e zbatuam vendimin sa i përket futjes në seancën e parë plenare. Kaloi në këshillin e legjilsacionit dhe u zbatua vendimi i Gjykatës Kushtetuese për ta trajtuar në seancë. Ky mocion nuk përparon dot për shkak të votimit, që është shprehja e paqartësisë.

Ka një paqartësi, të gjitha palët kanë të drejtën e tyre por cila e drejtë prevalon është paqartësia.

E vlerësoj si vendim të mençur për ta çuar në Komisionin e Venecias. Ai nuk do të na vlejë për një emër specifik, por për çdo vendim të tillë”, tha Peleshi./ CNA





Lajmet e fundit nga