web counter
LEXO PA REKLAMA!

SHKARKO APP

App Store
Google Play

KQZ dhe OSBE organizojnë konkursin “Fuqizimi i të Rinjve në Procesin Zgjedhor 2025”

16 Shtator 2024, 10:15, Aktualitet CNA

KQZ dhe OSBE organizojnë konkursin “Fuqizimi i të Rinjve në

Komisioni Qendror i Zgjedhjeve në bashkëpunim me Prezencën e OSBE-së në Tiranë organizojnë Konkursin “Fuqizimi i të Rinjve në Procesin Zgjedhor 2025”. 

Lançimi i konkursit do të bëhet nga Komisioneri Shtetëror i Zgjedhjeve, z. Ilirjan Celibashi dhe Kryetari i Prezencës së OSBE-së, Ambasador Michel Tarran, në datën 16 shtator 2024, në orën 10:00, Salla “Kubi Blu” tek Piramida. 

Kjo iniciativë synon të inkurajojë pjesëmarrjen aktive të të rinjve në procesin zgjedhor të vitit 2025, duke u dhënë mundësinë të krijojnë grafika, video dhe slogane për fushatën ndërgjegjësuese të Komisionit Qendror të Zgjedhjeve (KQZ). 

Në aktivitet do të prezantohen kriteret që do të përdoren për vlerësimin e materialeve të cilat do të dorëzohen nga të pjesëmarrësit në konkurs, me fokus te origjinaliteti, ndikimi i mesazhit, kreativiteti, dhe efektiviteti në përfshirjen e të rinjve. 

Konkursi i 2025-ës për fuqizimin e të rinjve në procesin zgjedhor synon jo vetëm të rrisë ndërgjegjësimin mbi rëndësinë e pjesëmarrjes në zgjedhje, por edhe të krijojë një platformë për të rinjtë që të ndajnë zërat dhe idetë e tyre për një demokraci më të fortë dhe më të përfshirë./ CNA





Lajmet e fundit nga