web counter
LEXO PA REKLAMA!

SHKARKO APP

App Store
Google Play

Perla/ “Pasardhësit” nuk i gjejnë dot të metat Ramës: Kryeministri ynë punon shumë

16 Shtator 2024, 12:02, Aktualitet CNA

Perla/ “Pasardhësit” nuk i gjejnë dot të metat

“E meta e Ramës është që është 10 hapa para të gjithëve dhe se bën më shumë për vendin sesa për veten”.

Për të gjithë ata që akuzojnë Kryeministrin dhe qeverinë, duhet të dëgjojnë njëherë perlën e vartësve të tij.

Nënkryetarja e Asamblesë së PS-së, Ilva Gjuzi, dhe 19-vjeçarja së cilës Rama i drejtoi gishtin duke thënë se mund të jetë pasardhësja e tij, Helena Kaçe, mendojnë se të metat më të mëdha të kryeministrit të vendit janë se kryetari i socialistëve dhe i qeverisë është 10 hapa para të gjithëve dhe se bën më shumë për vendin sesa për veten e tij.

Kjo tregon se sa të shqetësuara janë Gjuzi dhe Kaçe për kryeministrin Rama, i cili sipas tyre po lodhet së punuari për vendin.

Që Gjuzi dhe Kaçe të jenë të qeta dhe që të mos e vënë kaq shumë ujin në zjarr për Kryeministrin i kërkojmë këtij të fundit të punojë më pak që të jenë të lumtura.

“Pasardhësja” e Kryeministrit dhe nënkryetarja e Asamblesë së PS-së janë pikërisht ato që i duhen PS-së për të ecur përpara.

Është ulëritës fakti që të këta të rinj, me “trurin në dukje të shpëlarë” nga propaganda janë kthyer në adhuruese të liderit të tyre “suprem”.

Pas kësaj “lajthitjeje”, shpresojmë dhe urojmë që së paku këto fjalë dhe shqetësime reale të “pasardhëses” dhe Gjuzit të shkojnë në veshin e Kryeministrit dhe të mos lodhet së bëri kaq shumë punë për Shqipërinë, por të shikojë dhe pak veten se si është “katandisur” dhe në dorë të kujt kërkon ta lërë “stafetën”./ CNA


Video e shkëputur nga emisioni i Jonida Shehut 





Lajmet e fundit nga