web counter
LEXO PA REKLAMA!

SHKARKO APP

App Store
Google Play

‘Një vit sfidash’/ Mesazhi i Yuri Kim, rendit ngjarjet që shënjuan 2022-shin

31 Dhjetor 2022, 10:35, Aktualitet CNA
‘Një vit sfidash’/ Mesazhi i Yuri Kim, rendit ngjarjet që
Ambasadorja e SHBA në Shqipëri Yuri Kim

Ambasadorja e SHBA-së në Shqipëri, Yuri Kim ka përcjellë mesazhin e saj për shqiptarët në ditën e fundit të vitit 2022.

Kim ka renditur disa nga ngjarjet më kryerore që kanë shënjuar vitin 2022, ndërsa ka përmendur ndër të tjera që gjatë kësaj periudhe ka pasur rezultate të rëndësishme në luftën kundër korrupsionit, krimit të organizuar dhe pandëshkueshmërisë.

Ambasadorja amerikane theksoi se 2022-shi ka qenë një vit sfidash.

‘Viti 2022 pati gjithashtu rezultate të rëndësishme në luftën kundër korrupsionit, krimit të organizuar dhe pandëshkueshmërisë.

Reforma në drejtësi nuk ka qenë e lehtë, e shpejtë, por ajo po vazhdon të ecë përpara’, është shprehur Kim në mesazhin e saj.

'Në ditën e fundit të vitit 2022, duam të falënderojmë shqiptarët që festuan me ne 100-vjetorin e marrëdhënieve diplomatike midis Shteteve të Bashkuara dhe Shqipërisë gjatë gjithë vitit të kaluar. Ishte një vit i jashtëzakonshëm plot me ngjarje në nder të këtij njëqindvjetori të veçantë. Bashkohuni me ambasadoren Yuri Kim teksa kthehemi pas në çastet kryesore. Gëzuar Vitin e Ri!', shkruhet me tej ne psotim. /CNA.al





Lajmet e fundit nga