Frida Krifca, në dosjen e SPAK për inceneratorët

30 Dhjetor 2022, 20:43, Aktualitet CNA

Frida Krifca, në dosjen e SPAK për inceneratorët

Ministrja e Bujqësisë, Frida Krifca

Frida Krifca është një nga njerëzit që duhet hetuar për paratë që i ka dhënë njerëzve të inceneratorëve.

Skema është e tillë. Nga denoncimet e bëra rezulton se njerëzit e inceneratorëve i kanë dhënë borxh me kredi një punonjësi të tyre me inicialet E.B., rreth 500 mijë dollarë. Ata më pas i kanë “shitur” me letra 8500 ha tokë nga trualli që inceneratori kishte marrë me koncesion në Sharrë.

Ky person ka aplikuar për fonde të AZHBR dhe ky institucion ka miratuar kërkesën duke i dhënë 310 mijë euro për të ndërtuar sera pranë inceneratorit të Tiranës nga fondet që BE i ka dhënë Shqipërisë përmes programit IPARD.

Frida Krifca, në dosjen e SPAK për inceneratorët

E gjitha kjo ka ndodhur kur drejtoreshë e Agjencisë për Zhvillim Bujqësor dhe Rural (AZHBR) ishte ministrja e tanishme e Bujqësisë, Frida Krifca.

Nga dokumentet rezulton se investitori E. B., i regjistruar si person fizik, është punonjës i inceneratorit të Tiranës, kompanisë “Integrated Energjy BV SPV”, ndërsa ka një kontratë konsulence edhe me kompaninë “Consulting Se Partners”, në pronësi 80% të Stela Gugalljas, e shpallur në kërkim për aferën e inceneratorëve.

Frida Krifca, në dosjen e SPAK për inceneratorët

Kjo skemë është denoncuar dhe me akuza politike se si inceneratorët i dhanë borxh punonjësit të tyre dhe ky i fundit mori paratë nga AZHBR.

Por AZHBR ka përgjegjësi ligjore për ta ndjekur këtë çështje dhe SPAK nuk mund ta lejë dhe këtë segment të inceneratorëve apo njerëzve të tyre, bashkëpunotorëve që ata kanë sepse janë me dhjetëra bashkëpunëtorë në rrjetën e inceneratorëve.